ᠠᠯᠢ ᠡᠷᠳᠡ ᠮᠤᠡᠭᠭᠤᠯ ᠬᠠᠭᠠᠨᠳᠦ ᠤᠯᠤᠰ ᠪᠠᠶᠢᠭᠤᠯᠤᠬᠳᠠᠬᠤ ᠡᠴᠡ ᠡᠮᠦᠨᠡ ᠮᠤᠷᠢᠨ ᠪᠦᠮᠪᠦᠭᠡ ᠶᠢᠨ ᠨᠠᠭᠠᠳᠤᠮ ᠨᠢᠭᠡᠨᠳᠡ ᠮᠤᠡᠭᠭᠤᠯᠴᠤᠳ ᠤᠨ ᠳᠤᠷᠠ ᠪᠠᠬᠠᠲᠠᠢ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠪᠤᠯᠵᠦ ᠪᠠᠶᠢᠵᠠᠢ᠃ ᠡᠨᠡ ᠲᠤᠬᠠᠢ ᠮᠡᠳᠡᠭᠡ ᠵᠤᠤ ᠾᠦᠡᠭ ᠤᠨ ︽ᠮᠤᠡᠭᠭᠤᠯ ᠲᠠᠲ᠋ᠠᠷ ᠤᠨ ᠪᠦᠷᠢᠨ ᠲᠡᠮᠳᠡᠭᠯᠡᠯ︾ᠭᠡᠰᠡᠨ ᠨᠤᠮ ᠳ᠋ᠦ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠤᠢ᠃
ᠮᠤᠷᠢᠨ ᠪᠦᠮᠪᠦᠭᠡ ᠨᠠᠭᠠᠳᠬᠤ ᠲᠠᠯᠠᠪᠠᠢ ᠪᠠ ᠡᠬᠢᠯᠡᠯᠲᠡ ᠶᠢᠨ ᠪᠡᠯᠡᠳᠭᠡᠯ᠄
ᠦᠷᠭᠡᠨ ᠢᠶᠡᠷ ᠢᠶᠡᠨ ᠨᠢᠭᠡ ᠵᠠᠭᠤ ᠲᠠᠪᠢᠨ ᠠᠯᠳᠠ᠂ ᠤᠷᠲᠦ ᠪᠡᠷ ᠢᠶᠡᠨ ᠭᠤᠷᠪᠠᠨ ᠵᠠᠭᠤᠨ ᠠᠯᠳᠠ ᠶᠢᠨ ᠬᠡᠮᠵᠢᠶᠡ ᠲᠠᠢ ᠤᠷᠳᠦ ᠲᠦᠷᠪᠡᠯᠵᠢᠨ ᠲᠠᠯᠠᠪᠠᠢ ᠵᠢᠷᠤᠨᠠ᠃ ᠦᠷᠭᠡᠨ ᠲᠠᠯᠠ ᠶᠢᠨ ᠳᠤᠮᠳᠠᠴᠢ ᠴᠡᠭ ᠲᠡᠭᠡᠷᠡ ᠲᠤᠰᠪᠤᠷᠢ ᠮᠤᠡᠭᠭᠤᠯ ᠭᠡᠷ ᠤᠨ ᠪᠠᠭᠤᠴᠠ ᠶᠢᠨ ᠴᠢᠨᠡᠬᠡᠨ ᠲᠤᠭᠤᠢ ᠵᠢᠷᠤᠵᠦ᠂ ᠲᠡᠭᠦᠨ ᠤ ᠳᠤᠲᠤᠷᠠ ᠨᠢᠭᠡ ᠨᠠᠭᠠᠳᠤᠬᠴᠢ ︵ᠮᠠᠨᠠᠭᠠᠴᠢ︶ᠪᠠᠨ ᠵᠤᠬᠰᠤᠭᠠᠨᠠ᠃ ᠪᠤᠰᠤᠳ ᠨᠠᠭᠠᠳᠤᠬᠴᠢᠳ ᠨᠢ ᠲᠤᠰ ᠲᠤᠰ ᠤᠨ ᠮᠤᠷᠢ ᠪᠠᠨ ᠤᠨᠤᠵᠦ ᠬᠤᠶᠠᠷ ᠭᠠᠯ ︵ᠳᠤᠭᠤᠶᠢᠯᠠᠡᠭ︶ᠬᠤᠪᠢᠶᠠᠬᠳᠠᠨ ᠨᠠᠭᠠᠳᠬᠤ ᠪᠡᠷ ᠪᠡᠯᠡᠳᠭᠡᠨᠡ᠃ ᠬᠡᠷᠡᠭᠯᠡᠬᠦ ᠪᠦᠮᠪᠦᠭᠡ ᠨᠢ ᠦᠪᠡᠰᠦᠪᠡᠨ ᠬᠢᠭᠰᠡᠨ ᠰᠢᠷᠢᠨ ᠪᠦᠮᠪᠦᠭᠡ ᠪᠠᠶᠢᠭᠠ ᠶᠤᠮ᠃ ᠡᠨᠡ ᠨᠠᠭᠠᠳᠤᠮ ᠢ ᠬᠤᠶᠠᠷ ᠶᠠᠡᠭᠵᠦ ᠪᠡᠷ ᠨᠠᠭᠠᠳᠤᠨᠠ᠃
︵ᠠ︶ᠮᠤᠷᠢ ᠤᠨᠤᠬᠰᠠᠨ ᠲᠦᠷᠪᠡ ᠪᠤᠶᠤ ᠵᠢᠷᠭᠤᠭᠠᠨ ᠬᠦᠮᠦᠨ ᠲᠡᠡᠭᠴᠡᠭᠦᠦ ᠲᠤᠭᠠ ᠪᠡᠷ ᠬᠤᠪᠢᠶᠠᠬᠳᠠᠵᠦ᠂ ᠬᠤᠶᠠᠷ ᠭᠠᠯ ᠪᠤᠯᠤᠭᠠᠳ ᠲᠠᠯᠠᠪᠠᠢ ᠶᠢᠨ ᠲᠦᠪ ᠭᠤᠤᠯ ᠳ᠋ᠦ ᠪᠠᠶᠢᠬᠤ ᠳ᠋ᠤᠨᠢ ᠰᠢᠳᠡᠵᠦ ᠦᠭᠭᠦᠭᠰᠡᠨ ᠪᠦᠮᠪᠦᠭᠡ ᠶᠢ ᠠᠪᠤᠬᠰᠠᠨ ᠲᠠᠯᠠ ᠨᠢ ᠦᠪᠡᠷ ᠬᠤᠭᠤᠷᠤᠨᠳᠦ ᠪᠠᠨ ᠪᠦᠮᠪᠦᠭᠡ ᠪᠡᠨ ᠲᠠᠮᠵᠢᠭᠤᠯᠤᠨ ᠦᠪᠡᠷ ᠤᠨ ᠭᠠᠯ ᠤᠨ ᠲᠡᠮᠳᠡᠭᠲᠦ ︵ᠳᠤᠭᠤᠢ ᠵᠢᠷᠤᠬᠰᠠᠨ︶ᠭᠠᠵᠠᠷ ᠲᠠᠭᠠᠨ ᠠᠪᠠᠴᠢᠵᠦ ᠲᠠᠯᠪᠢᠬᠤ ᠶᠢ ᠵᠤᠷᠢᠵᠦ ᠨᠠᠭᠠᠳᠤᠨᠠ᠃
ᠬᠠᠷᠢᠨ ᠡᠰᠡᠷᠭᠦ ᠲᠠᠯᠠ ᠶᠢᠨ ᠨᠠᠭᠠᠳᠤᠬᠴᠢᠳ ᠨᠢ ᠰᠢᠳᠡᠨ ᠲᠠᠮᠵᠢᠭᠤᠯᠵᠦ ᠪᠠᠶᠢᠭᠠ ᠪᠦᠮᠪᠦᠭᠡ ᠶᠢ ᠨᠢ ᠬᠤᠭᠤᠷᠤᠨᠳᠦ ᠡᠴᠡ ᠨᠢ ᠪᠤᠯᠢᠶᠠᠨ ᠠᠪᠤᠭᠠᠳ ᠦᠪᠡᠷ ᠵᠠᠭᠤᠷᠠ ᠪᠠᠨ ᠠᠯᠳᠠᠯ ᠦᠭᠡᠢ ᠪᠡᠷ ᠲᠠᠮᠵᠢᠭᠤᠯᠤᠨ ᠳᠤᠪᠲᠤᠯᠵᠦ ᠦᠪᠡᠷ ᠤᠨ ᠭᠠᠯ ᠤᠨ ᠲᠡᠮᠳᠡᠭᠲᠦ ᠭᠠᠵᠠᠷ ᠲᠦ ᠬᠦᠷᠭᠡᠬᠦ ᠪᠡᠷ ᠵᠤᠷᠢᠨᠠ᠃
ᠪᠦᠮᠪᠦᠭᠡ ᠰᠢᠳᠡᠬᠦ ᠳ᠋ᠦ ᠮᠤᠷᠢ ᠪᠡᠷ ᠢᠶᠡᠨ ᠠᠮᠢᠲᠠᠨ ᠳᠠᠪᠬᠢᠵᠦ ᠲᠤᠰᠴᠦ ᠠᠪᠬᠤ ᠪᠤᠶᠤ ᠡᠰᠡᠷᠬᠦ ᠲᠠᠯᠠ ᠶᠢᠨ ᠬᠢ ᠡᠴᠡ ᠪᠦᠮᠪᠦᠭᠡ ᠶᠢ ᠨᠢ ᠪᠤᠯᠢᠶᠠᠨ ᠠᠪᠬᠤ ᠪᠡᠷ ᠲᠠᠪᠬᠢᠨ ᠤᠷᠤᠯᠳᠤᠨᠠ᠃ ᠭᠡᠪᠡᠴᠦ ᠪᠦᠮᠪᠦᠭᠡ ᠪᠡᠨ ᠪᠠᠷᠢᠭᠠᠳ ᠲᠠᠪᠬᠢᠵᠦ ᠪᠤᠯᠬᠤ ᠦᠭᠡᠢ᠃ ᠪᠦᠮᠪᠦᠭᠡ ᠪᠡᠨ ᠪᠠᠷᠢᠮᠠᠬᠴᠠ ᠲᠠᠮᠵᠢᠭᠤᠯᠤᠨ ᠰᠢᠳᠡᠬᠦ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠪᠦᠮᠪᠦᠭᠡ ᠪᠡᠨ ᠭᠠᠵᠠᠷ ᠤᠨᠠᠭᠠᠴᠢᠬᠠᠪᠠᠯ ᠮᠤᠷᠢᠨ ᠲᠡᠭᠡᠷ ᠡ ᠡᠴᠡ ᠪᠡᠨ ᠬᠡᠯᠪᠡᠷᠢᠨ ᠰᠢᠭᠦᠷᠡᠬᠦ ᠪᠤᠶᠤ ᠮᠤᠷᠢᠨ ᠡᠴᠡ ᠪᠡᠨ ᠦᠰᠦᠷᠦᠨ ᠪᠠᠭᠤᠵᠦ ᠪᠦᠮᠪᠦᠭᠡ ᠪᠡᠨ ᠠᠪᠤᠭᠠᠳ ᠲᠠᠬᠢᠨ ᠮᠤᠷᠢᠨ ᠲᠡᠭᠡᠷᠡ ᠪᠡᠨ ᠲᠦᠷᠭᠡᠨ ᠮᠤᠷᠳᠠᠵᠦ ᠰᠢᠳᠡᠨ ᠲᠠᠮᠵᠢᠭᠤᠯᠬᠤ ᠮᠡᠳᠦᠴᠢᠯᠡᠨ ᠨᠠᠭᠠᠳᠤᠨᠠ᠃
ᠮᠠᠨᠠᠬᠴᠢ ᠶᠢᠨ ᠡᠭᠦᠷᠭᠡ ᠪᠤᠯ ᠦᠪᠡᠷ ᠤᠨ ᠭᠠᠯ ᠤᠨ ᠬᠢᠨᠢ ᠮᠤᠷᠢᠨ ᠲᠡᠭᠡᠷᠡ ᠡᠴᠡ ᠰᠢᠳᠡᠵᠦ ᠦᠭᠭᠦᠭᠰᠡᠨ ᠪᠦᠮᠪᠦᠭᠡ ᠶᠢ ᠪᠠᠷᠢᠵᠦ ᠠᠪᠤᠨᠠ᠃ ᠭᠡᠪᠡᠴᠦ ᠳᠤᠭᠤᠢ ᠲᠤᠳᠤᠷᠠ ᠡᠴᠡ ᠪᠡᠨ ᠭᠠᠷᠴᠦ ᠶᠠᠪᠤᠨ ᠪᠦᠮᠪᠦᠭᠡ ᠪᠠᠷᠢᠵᠦ ᠪᠤᠯᠬᠤ ᠦᠭᠡᠢ᠃ ᠰᠢᠳᠡᠵᠦ ᠦᠭᠭᠦᠭᠰᠡᠨ ᠪᠦᠮᠪᠦᠭᠡ ᠶᠢ ᠳᠤᠭᠤᠢ ᠲᠤᠳᠤᠷᠠ ᠪᠠᠨ ᠬᠦᠭᠡᠭᠡᠴᠡᠯᠳᠦᠨ ᠪᠠᠷᠢᠵᠦ ᠪᠤᠯᠤᠨᠠ᠃
ᠢᠡᠭᠭᠢᠵᠦ ᠨᠠᠭᠠᠳᠴᠦ ᠪᠠᠶᠢᠬᠰᠠᠭᠠᠷ ᠦᠪᠡᠷ ᠤᠨ ᠭᠠᠯ ᠳ᠋ᠠᠭᠠᠨ ᠳᠦᠷᠪᠡᠨ ᠤᠳᠠᠭᠠ ᠲᠦᠷᠦᠭᠦᠯᠡᠨ ᠪᠦᠮᠪᠦᠭᠡ ᠠᠪᠴᠦ ᠢᠷᠡᠭᠰᠡᠨ ᠭᠠᠯ ᠤᠨ ᠬᠢᠨ ᠢ ᠱᠦᠬᠦᠭᠰᠡᠨ ᠳ᠋ᠦ ᠲᠤᠭᠠᠴᠠᠨᠠ᠃
︵ᠡ︶ᠮᠤᠷᠢ ᠤᠨᠤᠬᠰᠠᠨ ᠳᠦᠷᠪᠡᠨ ᠨᠠᠭᠠᠳᠤᠬᠴᠢ ᠬᠤᠶᠠᠷ ᠬᠤᠶᠠᠷ ᠢᠶᠡᠷ ᠢᠶᠡᠨ ᠨᠢᠭᠡᠨ ᠭᠠᠯ ᠪᠤᠯᠵᠦ᠂ ᠬᠦᠮᠦᠨ ᠪᠦᠷᠢ ᠨᠢᠭᠡᠨ ᠴᠢᠪᠴᠢᠷᠭᠠ ︵ᠴᠤᠬᠢᠭᠤᠷ︶︵ᠦᠵᠦᠭᠦᠷ ᠤᠨ ᠬᠡᠰᠡᠭ ᠲᠡᠭᠡᠨ ᠬᠠᠭᠠᠰ ᠰᠠᠷᠠᠨ ᠬᠡᠯᠪᠡᠷᠢᠲᠡᠢ ᠠᠯᠳᠠ ᠬᠢᠷᠢ ᠤᠷᠲᠦ ᠮᠤᠳᠤ︶ᠠᠳᠬᠤᠵᠦ ᠪᠡᠯᠡᠳᠭᠡᠨᠡ᠃
ᠨᠠᠭᠠᠳᠤᠮ ᠡᠬᠢᠯᠡᠬᠦ ᠳᠤᠬᠢᠶᠠ ᠳᠤᠤᠭᠠᠷᠤᠮᠠᠬᠴᠠ ᠨᠠᠭᠠᠳᠤᠬᠴᠢᠳ ᠦᠪᠡᠷ ᠦᠪᠡᠷ ᠤᠨ ᠳᠤᠭᠤᠢ ᠶᠢᠨ ᠲᠡᠷᠭᠡᠳᠡ ᠡᠴᠡ ᠲᠠᠯᠠᠪᠠᠢ ᠶᠢᠨ ᠲᠦᠪ ᠲᠦ ᠪᠠᠶᠢᠭᠠ ᠪᠦᠮᠪᠦᠭᠡ ᠤᠷᠤᠭᠤ ᠳᠤᠪᠲᠤᠯᠤᠨ ᠤᠴᠢᠵᠦ ᠪᠦᠮᠪᠦᠭᠡ ᠶᠢ ᠠᠪᠴᠦ ᠴᠢᠳᠠᠬᠰᠠᠨ ᠨᠢ ᠦᠪᠡᠷ ᠤᠨ ᠳᠤᠭᠤᠢ ᠤᠷᠤᠭᠤ ᠴᠢᠪᠴᠢᠷᠭᠠ ︵ᠴᠤᠬᠢᠭᠤᠷ︶ᠪᠡᠷ ᠢᠶᠡᠨ ᠲᠡᠯᠡᠳᠦᠨ ᠶᠠᠪᠤᠭᠤᠯᠬᠤ ᠪᠡᠷ ᠦᠪᠡᠷ ᠤᠨ ᠬᠢᠨ ᠳ᠋ᠡᠭᠡᠨ ᠳᠠᠮᠵᠢᠭᠤᠯᠤᠨᠠ᠃ ᠡᠰᠡᠷᠬᠦ ᠲᠠᠯᠠ ᠶᠢᠨ ᠨᠠᠭᠠᠳᠤᠬᠴᠢ ᠨᠢ ᠳᠤᠬᠢᠶᠠᠯ ᠲᠠᠭᠠᠷᠠᠭᠤᠯᠤᠨ ᠪᠤᠯᠢᠶᠠᠨ ᠦᠪᠡᠷ ᠤᠨ ᠳᠤᠭᠤᠢ ᠤᠷᠤᠭᠤ ᠪᠠᠨ ᠴᠤᠬᠢᠭᠤᠷ ᠢᠶᠡᠷ ᠢᠶᠡᠨ ᠲᠠᠳᠠᠨᠠ᠃
︽ᠮᠠᠨᠠᠬᠴᠢ︾ ᠶᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠨᠢ ︽ᠠ︾ᠳ᠋ᠦ ᠳᠤᠷᠠᠳᠤᠬᠰᠠᠨ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠬ᠃
ᠢᠡᠭᠭᠢᠵᠦ ᠲᠡᠮᠡᠴᠡᠯᠳᠦᠨ ᠨᠠᠭᠠᠳᠤᠭᠠᠳ ᠠᠯᠢ ᠨᠢᠭᠡᠨ ᠭᠠᠯ ᠤᠨ ᠬᠢᠨ ᠲᠦᠷᠦᠭᠦᠯᠡᠭᠡᠳ ᠲᠦᠷᠪᠡᠨ ᠤᠳᠠᠭᠠ ᠪᠦᠮᠪᠦᠭᠡ ᠶᠢ ᠦᠪᠡᠷ ᠤᠨ ᠳᠤᠭᠤᠢ ᠳ᠋ᠠᠭᠠᠨ ᠴᠤᠬᠢᠵᠦ ᠤᠷᠤᠭᠤᠯᠤᠬᠰᠠᠨ ᠨᠢ ᠱᠦᠭᠦᠭᠰᠡᠨ ᠢᠶᠡᠷ ᠲᠤᠭᠠᠴᠠᠨᠠ᠃
ᠡᠨᠡ ᠬᠤᠶᠠᠷ ᠵᠦᠢᠯ ᠤᠨ ᠮᠤᠷᠢᠨ ᠪᠦᠮᠪᠦᠭᠡ ᠶᠢᠨ ᠨᠠᠭᠠᠳᠤᠮ ᠤᠨ ᠬᠡᠷᠡᠭᠯᠡᠳᠡᠭ ᠪᠦᠮᠪᠦᠭᠡ ᠨᠢ ᠪᠦᠳᠦᠭᠦᠯᠢᠭ ᠰᠢᠭ ᠪᠤᠯᠪᠠᠴᠦ᠂ ᠡᠷᠳᠡ ᠲᠡᠭᠡᠷᠡ ᠦᠶᠡ ᠳ᠋ᠦ ᠮᠤᠷᠢ ᠪᠡᠷ ᠳᠠᠪᠬᠢᠬᠤ᠂ ᠳᠠᠪᠬᠢᠬᠤ ᠶᠢᠨ ᠲᠠᠭᠠᠤ ᠭᠠᠵᠠᠷ ᠲᠡᠬᠢ ᠪᠦᠮᠪᠦᠭᠡ ᠶᠢ ᠰᠢᠭᠦᠷᠡᠬᠦ᠂ ᠳᠠᠪᠬᠢᠵᠦ ᠪᠠᠶᠢᠭᠠ ᠮᠤᠷᠢᠨ ᠲᠡᠭᠡᠷᠡ ᠡᠴᠡ ᠦᠰᠦᠷᠦᠨ ᠪᠠᠭᠤᠬᠤ᠂ ᠬᠠᠷᠠᠶᠢᠨ ᠤᠨᠤᠬᠤ ᠵᠡᠷᠭᠡ ᠶᠢᠨ ᠮᠤᠷᠢᠨ ᠼᠢᠷᠺ ᠤᠨ ᠤᠷᠠᠨ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠭᠦᠯᠬᠦ᠂ ᠰᠦᠰᠦ ᠵᠤᠷᠢᠬ ᠢ ᠬᠠᠳᠠᠭᠤᠵᠢᠭᠤᠯᠬᠤ ᠬᠦᠮᠦᠵᠢᠯ ᠢ ᠬᠢᠵᠦ ᠪᠠᠶᠢᠬᠰᠠᠨ ᠨᠢ ᠭᠠᠶᠢᠬᠠᠯᠲᠠᠢ ᠠᠵᠤᠭᠤ᠃ ᠮᠤᠡᠭᠭᠤᠯ ᠤᠨ ᠬᠠᠭᠠᠨᠳᠦ ᠤᠯᠤᠰ ᠤᠨ ᠲᠠᠶᠢᠯᠠᠨ ᠲᠠᠭᠠᠭᠤᠯᠬᠤ ᠠᠵᠢᠯᠯᠠᠭᠠ ᠪᠠ ᠠᠯᠤᠰ ᠬᠤᠯᠠ ᠶᠢᠨ ᠦᠷᠭᠡᠵᠢᠯ ᠢ ᠳᠠᠭᠠᠯᠳᠤᠨ ᠮᠤᠷᠢᠨ ᠪᠦᠮᠪᠦᠭᠡ ᠶᠢᠨ ᠨᠠᠭᠠᠳᠤᠮ ᠨᠢ ᠪᠤᠰᠤᠳ ᠰᠤᠶᠤᠯ ᠤᠷᠠᠯᠢᠬ ᠤᠨ ᠬᠦᠳᠡᠯᠭᠡᠭᠡᠨ ᠲᠠᠢ ᠠᠳᠠᠯᠢ ᠪᠡᠷ ᠪᠤᠰᠤᠳ ᠤᠯᠤᠰ ᠦᠨᠳᠦᠰᠦᠲᠡᠨ ᠳ᠋ᠦ ᠤᠯᠠᠮᠵᠢᠯᠠᠬᠳᠠᠨ ᠲᠡᠯᠭᠡᠷᠡᠵᠦ᠂ ᠬᠤᠵᠢᠮ ᠨᠢ ᠲᠡᠯᠡᠬᠡᠢ ᠨᠡᠶᠢᠳᠡ ᠶᠢᠨ ᠴᠢᠨᠠᠷᠲᠠᠢ ᠮᠤᠷᠢᠨ ᠪᠦᠮᠪᠦᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃
-
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ ᠸᠢᠴᠠᠲ ᠤᠨ ᠨᠡᠶᠢᠳᠡ ᠶᠢᠨ ᠲᠠᠪᠴᠠᠡᠭ
-
ᠦᠪᠦᠷ ᠮᠤᠡᠭᠭᠤᠯ ᠤᠨ ᠪᠦᠬᠦ ᠠᠷᠠᠳ ᠢᠶᠡᠷ ᠢᠶᠡᠨ ᠪᠡᠶᠡ ᠪᠡᠨ ᠴᠢᠬᠢᠷᠠᠬᠵᠢᠭᠤᠯᠬᠤ ᠨᠡᠶᠢᠳᠡ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠠᠪᠴᠠᠡᠭ
-
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ APP
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠬᠡᠪᠯᠡᠯ ᠤᠨ ᠡᠷᠬᠡ ᠲᠠᠢ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠡᠴᠡ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠤᠷᠳᠤᠨ ᠳᠠᠭᠠᠭᠠᠴᠢᠯᠠᠪᠠ