ᠠᠩᠭ᠍ᠯᠢ ᠶᠢᠨ 《ᠡᠳᠦᠷ ᠪᠦᠷᠢ ᠶᠢᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ》 (The Daily Telegraph) ᠨᠧᠲ ᠤᠨ 2 ᠰᠠᠷᠠ ᠶᠢᠨ 22 ᠤᠨ ᠡᠳᠦᠷ ᠤᠨ ᠮᠡᠳᠡᠭᠡ᠂ ᠲᠡᠪᠴᠢᠶᠡᠷᠢ ᠲᠠᠢ ᠪᠠᠶᠢᠬᠤ ᠪᠤᠯ ᠰᠠᠶᠢᠬᠠᠨ ᠵᠠᠩ ᠭᠡᠵᠦ ᠬᠦᠮᠦᠰ ᠬᠡᠯᠡᠯᠴᠡᠳᠡᠭ᠃ ᠭᠡᠪᠡᠴᠦ ᠲᠡᠪᠴᠢᠶᠷᠢ ᠲᠠᠢ ᠪᠠᠶᠢᠬᠤ ᠨᠢ ᠬᠦᠮᠦᠨ ᠢ ᠨᠡᠩ ᠤᠷᠲᠦ ᠨᠠᠰᠤᠯᠠᠭᠤᠯᠤᠨᠠ ᠭᠡᠰᠡᠨ ᠳ᠋ᠦ᠋ᠩ ᠢ ᠰᠡᠭᠦᠯ ᠤᠨ ᠦᠶᠠ ᠶᠢᠨ ᠰᠤᠳᠤᠯᠭᠠᠨ ᠬᠡᠷᠡᠴᠢᠯᠡᠵᠠᠢ᠃
ᠡᠨᠡᠬᠦ ᠰᠤᠳᠤᠯᠭᠠᠨ ᠤ ᠳ᠋ᠦ᠋ᠩ ᠨᠢᠭᠡ ᠰᠢᠨᠠ ᠪᠤᠯᠤᠮᠵᠢ ᠶᠢ ᠡᠭᠦᠳᠴᠠᠢ᠃ ᠳᠠᠷᠤᠢ ᠲᠡᠪᠴᠢᠶᠡᠷᠢ ᠦᠭᠡᠢ ᠬᠦᠮᠦᠰ ᠡᠮ ᠲᠠᠩ ᠤᠤᠭᠤᠬᠤ ᠵᠡᠷᠭᠡ ᠠᠷᠭᠠ ᠠᠪᠴᠠᠯ ᠢᠶᠡᠷ ᠦᠳᠡᠯᠬᠦ ᠬᠤᠷᠳᠤᠴᠠ ᠪᠠᠨ ᠤᠳᠠᠭᠠᠰᠢᠷᠠᠭᠤᠯᠵᠦ ᠪᠤᠯᠤᠨᠠ᠃
ᠬᠦᠮᠦᠨ ᠤ ᠲᠡᠪᠴᠢᠶᠡᠷᠢ ᠲᠠᠢ ᠡᠰᠡᠬᠦ ᠶᠢ ᠲᠡᠩᠰᠡᠬᠦ ᠶᠢᠨ ᠲᠦᠯᠦᠭᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ 1100 ᠤᠶᠦᠳᠠᠳ ᠲᠠᠢ ᠨᠢᠭᠡ ᠳᠤᠭᠯᠠᠭᠠᠮ ᠬᠢᠵᠠᠢ᠃ ᠲᠡᠳᠡᠨ ᠢ ᠪᠠᠷᠢᠨ ᠨᠢᠭᠡ ᠪᠦᠯᠦᠭ ᠵᠤᠭᠤᠰ ᠠᠪᠬᠤ ᠪᠠ ᠬᠡᠰᠡᠭ ᠬᠤᠭᠤᠴᠠᠭᠠ ᠦᠩᠭᠡᠷᠡᠭᠡᠳ ᠨᠡᠩ ᠠᠷᠪᠢᠨ ᠵᠤᠭᠤᠰ ᠠᠪᠬᠤ ᠶᠢᠨ ᠳᠤᠮᠳᠠ ᠡᠴᠡ ᠰᠤᠩᠭ᠋ᠤᠯᠳᠠ ᠬᠢᠯᠭᠡᠵᠠᠢ᠃
ᠲᠤᠭᠯᠠᠭᠠᠮ ᠳᠤ ᠤᠷᠤᠯᠴᠠᠭᠰᠠᠨ ᠤᠶᠦᠳᠠᠳ ᠰᠤᠩᠭ᠋ᠤᠯᠳᠠ ᠬᠢᠭ᠍ᠰᠡᠨ ᠤ ᠳᠠᠷᠠᠭᠠ ᠰᠤᠳᠤᠯᠭᠠᠳᠠᠳ ᠡᠴᠡ ᠳᠡᠳᠡᠨ ᠤ ᠴᠢᠰᠤᠨ ᠳᠤ ᠪᠠᠶᠢᠴᠠᠭᠠᠯᠳᠠ ᠬᠢᠵᠦ᠂ ᠪᠤᠳᠤᠭᠳᠤ ᠴᠤᠭᠴᠠ ᠶᠢᠨ ᠦᠵᠦᠭᠦᠷ ᠮᠦᠬᠦᠯᠢᠭ᠌ (ᠲᠦᠷ ᠤᠷᠴᠢᠭᠤᠯᠭᠠ᠂ ᠠᠩᠭ᠍ᠯᠢ ᠤᠭ ᠨᠢ Telomeres) ᠤᠨ ᠤᠷᠲᠦ ᠶᠢ ᠬᠡᠮᠵᠢᠵᠠᠢ᠃ ᠦᠵᠦᠭᠦᠷ ᠮᠦᠬᠦᠯᠢᠭ᠌ ᠪᠤᠯ ᠪᠤᠲᠤᠭᠲᠦ ᠴᠤᠭᠴᠠ ᠶᠢᠨ ᠬᠠᠮᠠᠭᠠᠯᠠᠭᠴᠢ ᠪᠦᠭᠡᠳ ᠤᠨ ᠴᠠᠭ ᠤᠨ ᠦᠩᠭᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠠᠭᠠᠵᠢᠮ ᠢᠶᠡᠷ ᠪᠤᠭᠤᠨᠢᠰᠴᠦ ᠡᠴᠦᠰ ᠲᠡᠭᠡᠨ ᠡᠯᠡᠭᠳᠡᠵᠦ ᠳᠠᠭᠤᠰᠳᠠᠭ᠃ ᠡᠶᠢᠮᠦ ᠡᠴᠡ ᠡᠨᠡᠬᠦ ᠪᠤᠳᠠᠰ ᠢᠶᠡᠷ ᠬᠦᠮᠦᠨ ᠤ ᠦᠳᠡᠯᠬᠦ ᠬᠤᠷᠳᠤᠴᠠ ᠶᠢ ᠬᠡᠮᠵᠢᠬᠦ ᠵᠢᠭᠠᠯᠳᠠ ᠲᠤᠭᠠ ᠪᠤᠯᠭᠠᠵᠦ ᠪᠤᠯᠤᠨᠠ᠃
ᠵᠤᠭᠤᠰ ᠢ ᠪᠠᠷᠢᠨ ᠳᠤᠤᠷᠠ ᠨᠢ ᠠᠪᠤᠭᠰᠠᠨ ᠰᠤᠷᠤᠭᠴᠢ ᠶᠢᠨ ᠦᠵᠦᠭᠦᠷ ᠮᠦᠬᠦᠯᠢᠭ᠌ ᠨᠢ ᠪᠤᠭᠤᠨᠢ᠃ ᠡᠨᠡ ᠨᠢ ᠳᠡᠳᠡᠨ ᠨᠠᠷ ᠤᠨ ᠲᠦᠷᠦᠯᠬᠢ ᠲᠡᠪᠴᠢᠶᠡᠷᠢ ᠦᠭᠡᠢ ᠭᠡᠳᠡᠭ ᠢ ᠬᠠᠷᠠᠭᠤᠯᠤᠭᠰᠠᠨ ᠲᠡᠳᠦᠢ ᠦᠭᠡᠢ ᠠᠮᠢ ᠨᠠᠰᠤ ᠨᠢ ᠴᠤ ᠤᠬᠤᠷ ᠪᠤᠯᠬᠤ ᠪᠤᠯᠤᠮᠵᠢ ᠲᠠᠢ ᠭᠡᠵᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ ᠰᠤᠳᠤᠯᠭᠠᠨ ᠢᠶᠡᠷ ᠭᠡᠷᠡᠴᠢᠯᠡᠵᠠᠢ᠃
ᠼᠢᠦᠶᠢᠷᠢᠰᠢ ᠬᠤᠯᠪᠤᠭᠠᠨ ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠤᠯᠤᠬᠢ ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠩ ᠰᠢᠩ ᠋ᠳ᠋ᠤᠺᠲ᠋ᠤᠷ᠄《ᠲᠡᠪᠴᠢᠶᠡᠷᠢ ᠦᠭᠡᠢ ᠨᠢ ᠬᠦᠮᠦᠨ ᠤ ᠨᠢᠭᠡ ᠨᠠᠰᠤᠨ ᠤ ᠤᠯᠠᠨ ᠵᠦᠶ᠋ᠯ ᠤᠨ ᠠᠵᠢᠯᠯᠠᠭᠠ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ ᠵᠢᠱᠢᠶᠡᠯᠡᠪᠡᠯ ᠡᠮ ᠢ ᠳᠤᠷᠠ ᠪᠠᠷ ᠬᠡᠷᠡᠭᠯᠡᠬᠦ ᠵᠡᠷᠭᠡ᠃ ᠲᠡᠪᠴᠢᠶᠡᠷᠢ ᠦᠭᠡᠢ ᠨᠢ ᠪᠠᠰᠠ ᠲᠠᠨᠢᠯᠳᠠ ᠪᠠ ᠨᠡᠶᠢᠭᠡᠮ ᠤᠨ ᠬᠠᠷᠢᠯᠴᠠᠭᠠᠨ ᠤ ᠴᠢᠳᠠᠪᠤᠷᠢ ᠳᠤᠳᠠᠮᠠᠭ᠂ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠᠬᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠢ ᠢᠯᠠᠵᠦ ᠳᠡᠶᠢᠯᠬᠦ ᠦᠭᠡᠢ᠂ ᠲᠡᠷᠡᠴᠢᠯᠡᠨ ᠡᠭᠦᠨ ᠡᠴᠡ ᠪᠤᠯᠵᠦ ᠰᠡᠳᠬᠢᠴᠡ ᠶᠢᠨ ᠡᠪᠡᠳᠴᠢᠨ ᠤᠯᠬᠤ ᠵᠡᠷᠭᠡ ᠲᠠᠢ ᠪᠠᠰᠠ ᠬᠤᠯᠪᠤᠭᠳᠠᠯ ᠲᠠᠢ》 ᠭᠡᠵᠦ ᠭᠡᠯᠡᠵᠦ ᠪᠠᠶᠢᠯᠠ᠃
《ᠡᠳᠡᠭᠡᠷ ᠨᠦᠯᠦᠭᠡ ᠨᠢ ᠪᠢᠳᠠᠨ ᠢ ᠲᠡᠪᠴᠢᠶᠡᠷᠢ ᠦᠭᠡᠢ ᠡᠴᠡ ᠦᠵᠦᠭᠦᠷ ᠮᠦᠬᠦᠯᠢᠭ᠌ ᠢ ᠪᠤᠭᠤᠨᠢ ᠪᠤᠯᠭᠠᠬᠤ ᠪᠤᠯᠤᠮᠵᠢ ᠲᠠᠢ ᠭᠡᠬᠦ ᠦᠵᠡᠯᠳᠡ ᠶᠢ ᠳᠤᠷᠠᠳᠤᠭᠤᠯᠵᠠᠢ᠃ 20 ᠨᠠᠰᠤᠨ ᠤ ᠤᠷᠴᠢᠮ ᠤᠨ ᠵᠠᠯᠠᠭᠤᠴᠤᠳ ᠦᠪᠡᠷ ᠤᠨ ᠦᠵᠦᠭᠦᠷ ᠮᠦᠬᠦᠯᠢᠭ᠌ ᠪᠤᠭᠤᠨᠢ ᠭᠡᠳᠡᠭ ᠢᠶᠡᠨ ᠰᠡᠷᠡᠵᠦ ᠮᠡᠳᠡᠭᠡᠳ ᠨᠡᠩ ᠬᠦᠭᠡᠷᠦᠦ ᠰᠤᠩᠭ᠋ᠤᠯᠳᠠ ᠬᠢᠬᠦ ᠪᠤᠯᠤᠮᠵᠢ ᠲᠡᠮᠡᠢ ᠦᠭᠡᠢ ᠪᠠᠶᠢᠬᠠ᠃ ᠪᠢᠳᠠ ᠲᠡᠪᠴᠢᠶᠡᠷᠢ ᠦᠭᠡᠢ ᠨᠢ ᠦᠵᠦᠭᠦᠷ ᠮᠦᠬᠦᠯᠢᠭ᠌ ᠢ ᠪᠤᠭᠤᠨᠢ ᠪᠤᠯᠭᠠᠭᠰᠠᠨ ᠪᠤᠶᠦ ᠦᠵᠦᠭᠦᠷ ᠮᠦᠬᠦᠯᠢᠭ᠌ ᠨᠢ ᠪᠤᠭᠤᠨᠢ ᠪᠤᠯᠤᠭᠰᠠᠨ ᠡᠴᠡ ᠲᠡᠪᠴᠢᠶᠡᠷᠢ ᠦᠭᠡᠢ ᠪᠤᠯᠤᠭᠰᠠᠨ ᠡᠰᠡᠬᠦ ᠶᠢᠨ ᠨᠢᠭᠤᠭᠳᠠᠮᠠᠯ ᠵᠢᠷᠤᠮ ᠢ ᠲᠤᠶᠢᠯᠪᠤᠷᠢᠲᠠᠢ ᠮᠡᠳᠡᠵᠦ ᠴᠢᠳᠠᠬᠤ ᠦᠭᠡᠢ》 ᠭᠡᠵᠦ ᠵᠠᠩ ᠰᠢᠩ ᠬᠡᠯᠡᠨᠠ᠃
ᠢᠷᠡᠯᠳᠡ :
ᠯᠠᠪᠯᠠᠯᠳᠠ ᠶᠢᠨ ᠮᠡᠳᠡᠭᠡ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ ᠸᠢᠴᠠᠲ ᠤᠨ ᠨᠡᠶᠢᠳᠡ ᠶᠢᠨ ᠲᠠᠪᠴᠠᠡᠭ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠪᠦᠬᠦ ᠠᠷᠠᠳ ᠢᠶᠡᠷ ᠢᠶᠡᠨ ᠪᠡᠶᠡ ᠪᠡᠨ ᠴᠢᠬᠢᠷᠠᠬᠵᠢᠭᠤᠯᠬᠤ ᠨᠡᠶᠢᠳᠡ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠠᠪᠴᠠᠡᠭ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ APP
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠬᠡᠪᠯᠡᠯ ᠤᠨ ᠡᠷᠬᠡ ᠲᠠᠢ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠡᠴᠡ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠤᠷᠳᠤᠨ ᠳᠠᠭᠠᠭᠠᠴᠢᠯᠠᠪᠠ