ᠲᠠᠮᠢᠷᠴᠢᠨ ᠤ ᠴᠢᠬᠢᠷᠠᠭ ᠪᠡᠶᠡ ᠭᠠᠯᠪᠢᠷ᠂ ᠭᠡᠷᠡᠯ ᠬᠢᠯᠪᠠᠭᠠ᠂ ᠬᠠᠷᠠ ᠪᠤᠷᠤ ᠬᠦᠷᠦᠰᠤ᠂ ᠡᠨᠡ ᠪᠤᠯ ᠮᠠᠷᠠᠽᠤᠨ ᠬᠦᠶᠦᠭᠴᠢ ᠮᠦ᠋ᠩᠭᠡ ᠲᠠᠢ ᠠᠩᠬᠠ ᠠᠭᠤᠯᠵᠠᠬᠤ ᠦᠶᠡ ᠶᠢᠨ ᠰᠠᠭᠤᠭᠳᠠᠯ᠃
《ᠪᠢ ᠪᠤᠯ ᠰᠤᠬᠤᠷ ᠢᠯᠢᠭᠡᠴᠢ᠂ ᠪᠢ ᠬᠦᠶᠦᠬᠦ ᠲᠤᠷᠠᠲᠠᠢ》 ᠮᠦᠩᠭᠡ ᠪᠤᠯ ᠵᠢᠭᠠᠬᠠᠨ ᠭᠡᠷᠡᠯ ᠮᠡᠳᠡᠷᠡᠮᠵᠢ ᠪᠦᠬᠦᠢ ᠬᠠᠷᠠᠯᠭᠠᠨ ᠬᠦᠮᠤᠨ ᠶᠤᠮ᠂ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠳᠤ ᠲᠤᠷᠠ ᠪᠠᠭᠲᠠᠢ ᠪᠠᠶᠢᠭᠰᠠᠨ ᠲᠡᠷᠡ ᠮᠠᠨᠢ ᠨᠢᠳᠦᠨ ᠤ ᠡᠪᠡᠳᠴᠢᠨ ᠡᠴᠠ ᠪᠤᠯᠵᠦ ᠠᠷᠭᠠ ᠪᠤᠰᠤ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠢᠶᠠᠨ ᠲᠠᠰᠤᠯᠳᠠᠭᠰᠠᠨ ᠪᠢᠯᠡ᠃ ᠰᠡᠭᠦᠯᠡᠷ ᠨᠢ ᠰᠠᠶᠢᠨ ᠲᠤᠷᠠᠴᠤᠤᠯ ᠪᠤᠯᠤᠨ ᠰᠠᠶᠢᠨ ᠰᠠᠨᠠᠭᠠᠳᠤ ᠬᠦᠮᠤᠰ ᠤᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠮᠦᠩᠭᠡ ᠮᠠᠷᠠᠽᠤᠨ ᠬᠡᠮᠡᠭᠴᠢ ᠡᠨᠡᠬᠦ ᠬᠠᠲᠠᠭᠤ ᠦᠷᠢᠰᠦᠯᠳᠦᠭᠡᠨᠳᠤ ᠪᠡᠶᠡ ᠲᠠᠮᠢᠷ ᠤᠨ ᠬᠦ᠋ᠳᠡᠯᠭᠡᠭᠡᠨ ᠲᠠᠢ ᠤᠶᠢᠷᠠᠳᠦᠵᠦ᠂ ᠲᠡᠭᠦᠨ ᠤ ᠬᠤᠯᠠ ᠬᠦᠶᠦᠬᠦ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃
2014 ᠤᠨ ᠳᠤ ᠮᠦᠩᠭᠡ ᠬᠦᠶᠦᠬᠦ ᠯᠦᠭᠡ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠤᠯᠵᠠᠢ᠃ 《ᠲᠤᠬᠠᠢ ᠶᠢᠨ ᠦᠶᠡ ᠳ᠋ᠥ ᠪᠡᠭᠡᠵᠢᠩ ᠳᠤ ᠨᠢᠭᠡ ᠤᠳᠠᠭᠠᠨ ᠤ ᠰᠤᠬᠤᠷ ᠬᠡᠤᠬᠡᠳ ᠬᠦᠶᠦᠬᠦ ᠨᠡᠶᠢᠲᠡ ᠶᠢᠨ ᠠᠰᠠᠷᠠᠮᠵᠢ ᠶᠢᠨ ᠠᠵᠢᠯᠯᠠᠭᠠ ᠶᠠᠪᠤᠭᠳᠠᠵᠠᠢ᠂ ᠪᠢ ᠬᠡᠷᠪᠡ 21 ᠺᠢᠯᠦᠮᠧᠲᠷ ᠬᠦᠶᠦᠵᠦ ᠲᠡᠶᠢᠯᠬᠦ ᠳᠤ ᠬᠦᠷᠪᠡᠯ ᠰᠤᠬᠤᠷ ᠬᠡᠤᠬᠡᠳ ᠲᠤ ᠢᠯᠡᠬᠦᠬᠡᠨ ᠵᠤᠭᠤᠰ ᠬᠠᠨᠲᠢᠪᠯᠠᠵᠦ ᠪᠤᠯᠬᠤ ᠶᠤᠮ ᠪᠠᠶᠢᠨᠠ᠂ ᠲᠤᠷᠰᠢᠵᠦ ᠦᠵᠡᠶᠡ ᠭᠡᠬᠦ ᠪᠤᠳᠤᠯ ᠢᠶᠠᠷ ᠬᠠᠭᠠᠰ ᠮᠠᠷᠠᠽᠤᠨ ᠳᠤ ᠨᠡᠷᠡ ᠮᠡᠳᠡᠭᠦᠯᠵᠦ᠂ ᠬᠤᠶᠠᠷ ᠰᠠᠷᠠ ᠪᠤᠯᠪᠠᠰᠤᠷᠠᠭᠠᠳ ᠪᠢ ᠤᠴᠢᠯᠠ》᠃ ᠶᠠᠭ ᠡᠨᠡᠬᠦ ᠬᠠᠭᠠᠰ ᠲᠠᠯᠠᠪᠠᠢ ᠶᠢᠨ ᠮᠠᠷᠠᠽᠤᠨ ᠠᠴᠠ ᠪᠤᠯᠵᠦ᠂ ᠮᠦᠩᠭᠡ ᠶᠢᠨ ᠮᠠᠷᠠᠽᠤᠨ ᠤ ᠲᠤᠷᠠ ᠪᠠᠬᠠᠲ᠋ᠦ᠋ᠷᠡᠯᠵᠢᠨ ᠨᠤᠴᠤᠵᠠᠢ᠂ ᠲᠡᠭᠦᠨ ᠤ ᠦᠭᠡ ᠪᠠᠷ ᠬᠡᠯᠡᠪᠡᠯ《ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠭᠡᠳ ᠬᠤᠷᠢᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠤᠭᠰᠠᠨ》ᠪᠠᠶᠢᠨᠠ᠃ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠶᠢ ᠪᠤᠤ ᠬᠡᠯᠡ ᠬᠦᠶᠦᠬᠦ ᠨᠢ ᠴᠦ ᠰᠤᠬᠤᠷ ᠬᠦᠮᠤᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠲᠡᠶᠢᠮᠤ ᠬᠢᠯᠪᠡᠷ ᠶᠠᠪᠤᠳᠠᠯ ᠪᠢᠰᠢ ᠶᠤᠮ᠃ ᠮᠦᠩᠭᠡ ᠦᠪᠡᠷ ᠤᠨ ᠠᠩᠬᠠ ᠡᠬᠢᠯᠡᠵᠦ ᠬᠦᠶᠦᠬᠦ ᠦᠶᠡ ᠪᠠᠨ ᠡᠷᠬᠢᠴᠡᠭᠦᠯᠬᠦ ᠳᠡᠭᠡᠨ᠄ ᠬᠠᠷᠠᠭᠠ ᠦᠭᠡᠢ ᠬᠦᠶᠦᠭᠴᠢ ᠶᠢᠨ ᠬᠠᠮᠤᠭ ᠶᠡᠭᠡ ᠦᠷᠢᠰᠦᠯᠳᠦᠭᠡᠨ ᠪᠤᠯ ᠦᠪᠡᠷ ᠤᠨ ᠰᠡᠳᠬᠢᠯ ᠤᠨ ᠠᠶᠤᠳᠠᠰ ᠡᠴᠠ ᠢᠷᠡᠨᠡ᠂ ᠢᠯᠠᠩᠭᠤᠶᠠ ᠠᠩᠬᠠ ᠡᠬᠢᠯᠡᠵᠦ ᠬᠦᠶᠦᠬᠦ ᠳᠤ ᠲᠤᠩ ᠠᠶᠤᠨᠠ᠃ 《ᠤᠶᠢᠴᠢᠵᠦ ᠦᠵᠡᠯᠡ᠂ ᠰᠢᠷᠬᠠᠳᠤᠵᠦ ᠦᠵᠡᠯᠡ᠂ ᠬᠦᠶᠦᠬᠦ ᠲᠤᠷᠠᠲᠠᠢ ᠪᠤᠯᠬᠤᠷ ᠴᠦᠬᠦᠷᠡᠭᠰᠡᠨ ᠦᠭᠡᠢ᠂ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠳᠠᠮᠵᠢᠭᠠᠳ ᠤᠳᠤ ᠨᠡᠯᠢᠶᠡᠳ ᠵᠦᠭᠡᠷ ᠪᠤᠯᠵᠠᠢ》᠃
ᠮᠦᠩᠭᠡ ᠪᠤᠯ ᠵᠤᠯ ᠲᠠᠢ ᠬᠦᠮᠤᠨ ᠶᠤᠮ᠂ ᠮᠠᠷᠠᠽᠤᠨ ᠤ ᠬᠤᠯᠠ ᠬᠦᠶᠦᠬᠦ ᠵᠠᠮ ᠳᠡᠭᠡᠷᠡ ᠲᠡᠷᠡ ᠮᠠᠰᠢ ᠤᠯᠠᠨ ᠰᠠᠶᠢᠨ ᠨᠠᠶᠢᠵᠠ ᠲᠠᠢ ᠤᠴᠠᠷᠠᠵᠠᠢ᠃ ᠬᠦᠶᠦᠯᠲᠡ ᠶᠢᠨ ᠱᠤᠭᠤᠮ ᠳᠡᠭᠡᠷᠡ ᠳᠠᠭᠠᠯᠳᠤᠨ ᠭᠦᠶᠦᠭᠴᠢ᠂ ᠳᠠᠭᠠᠭᠤᠯᠤᠨ ᠭᠦᠶᠦᠭᠴᠢ ᠨᠢ ᠳᠡᠭᠡᠰᠤ ᠪᠠᠷ ᠬᠦᠳᠦᠯᠵᠦ ᠲᠡᠭᠦᠨ ᠢ ᠳᠠᠭᠠᠭᠤᠯᠤᠨ ᠬᠦᠶᠣᠨᠡ᠃ ᠡ᠊ᠩ ᠤᠨ ᠴᠠᠭ ᠲᠠᠭᠠᠨ ᠳᠠᠭᠠᠯᠳᠤᠨ ᠭᠦᠶᠦᠭᠴᠢ ᠨᠢ ᠡᠳᠤᠷ ᠪᠦᠷᠢ ᠵᠢᠨᠰᠤᠯᠠ ᠴᠠᠭ ᠢᠶᠠᠨ ᠠᠰᠢᠭᠯᠠᠨ ᠮᠦᠩᠭᠡ ᠶᠢ ᠳᠠᠭᠠᠭᠤᠯᠤᠨ ᠪᠤᠯᠪᠠᠰᠤᠷᠠᠨᠠ᠃ 《ᠪᠢ ᠲᠡᠳᠡᠨ ᠳᠤ ᠲᠤᠩ ᠲᠠᠯᠠᠷᠬᠠᠳᠠᠭ᠂ ᠭᠦᠶᠦᠯᠲᠡᠶᠢᠨ ᠵᠠᠮ ᠳᠡᠭᠡᠷᠡ ᠲᠡᠳᠡ ᠪᠤᠯ ᠮᠢᠨᠤ ᠭᠡᠭᠡᠨ ᠮᠠᠯᠮᠡᠢ ᠶᠤᠮ᠃ ᠡᠨᠡᠬᠦ ᠶᠠᠪᠤᠴᠠ ᠳᠤ ᠮᠠᠰᠢ ᠤᠯᠠᠨ ᠪᠡᠷᠬᠡᠰᠢᠶᠡᠯ ᠲ᠋ᠤᠯᠭᠠᠷᠠᠭᠰᠠᠨ ᠪᠤᠯᠪᠠᠴᠤ ᠲᠡᠳᠡ ᠨᠠᠮᠠᠢᠢ ᠵᠤᠷᠢᠭᠵᠢᠭᠤᠯᠤᠨ ᠬᠠᠪᠰᠤᠷᠴᠤ᠂ ᠨᠠᠮᠠᠢᠢ ᠡᠷᠡᠭᠦᠯ ᠬᠦᠮᠤᠨ ᠠᠳᠠᠯᠢ ᠪᠠᠷ ᠮᠠᠷᠠᠰᠤᠨ ᠤ ᠡᠨᠡᠬᠦ ᠲ᠋ᠥ᠋ᠢᠯ ᠤᠨ ᠬᠠᠲᠠᠭᠤ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠳᠤ ᠮᠡᠷᠡᠶᠢᠯᠭᠡᠵᠦ᠂ ᠮᠢᠨᠤ ᠲᠡᠮᠡᠴᠡᠭᠡᠨ ᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃》 ᠭᠡᠵᠦ ᠮᠦ᠋ᠩᠭᠡ ᠬᠡᠯᠡᠨᠡ᠃ ᠳᠠᠭᠠᠯᠳᠤᠨ ᠭᠦᠶᠦᠭᠴᠢ ᠶᠢᠨ ᠬᠠᠪᠰᠤᠷᠤᠯᠭᠠ ᠲᠤᠤᠷᠠ᠂ ᠤᠳᠤᠬᠠᠨ ᠪᠤᠯᠲᠠᠯᠠ ᠮᠦᠩᠭᠡ 17 ᠲᠠᠯᠠᠪᠠᠢ ᠮᠠᠷᠠᠽᠤᠨ ᠭᠦ᠋ᠶᠦᠵᠦ᠂ ᠲᠡᠭᠦᠨ ᠤ ᠤᠯᠠ ᠮᠦᠷ ᠪᠡᠭᠡᠵᠢᠩ᠂ ᠱᠠᠩᠬᠠᠢ᠂ ᠱᠠᠮᠧᠨ᠂ ᠳ᠋ᠠᠯᠢᠶᠠᠩ᠂ ᠬᠠᠷᠪᠢᠨ᠂ ᠴᠧᠩᠳᠦ ᠁ ᠪᠠᠷ ᠦᠯᠡᠳᠡᠵᠦ᠂ ᠵᠤᠭᠠᠴᠠᠬᠤ ᠲᠤᠷᠠᠲᠠᠢ ᠮᠦᠩᠭᠡ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠢᠶᠠᠷ ᠳᠠᠮᠵᠢᠨ ᠦᠪᠡᠷ ᠤᠨ ᠲᠤᠷᠠᠯᠠᠵᠦ ᠪᠠᠭ᠋ᠠᠷᠠᠳᠠᠭ ᠬᠤᠲᠠᠳ ᠲᠣ᠋ᠤᠴᠢᠬᠤ ᠵᠠᠪᠰᠢᠶᠠᠨ ᠤᠯᠵᠦ᠂ ᠵᠤᠭᠠᠴᠠᠯ ᠤᠨ ᠬᠦᠰᠡᠯ ᠢᠶᠠᠨ ᠲᠡᠷᠭᠡᠯᠰᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠬᠤᠯᠠ ᠭᠦᠶᠦᠬᠦ ᠨᠢ ᠮᠦᠩᠭᠡ ᠵᠢᠨᠠᠮᠢᠳᠤᠷᠠᠯ ᠳᠤ ᠡᠷᠡᠭᠦᠯ ᠴᠢᠬᠢᠷᠠᠭ ᠪᠡᠶᠡ ᠮᠠᠬᠠᠪᠤᠳ᠂ ᠰᠡᠳᠬᠢᠯ ᠬᠠᠩᠬᠤᠯᠠᠭᠤᠨ ᠲᠦᠷᠦᠭᠳᠡᠯ ᠢ ᠠᠪᠴᠢᠷᠠᠵᠦ ᠦᠭᠭᠦᠭᠰᠡᠨ ᠪᠦᠭᠡᠳ ᠲ᠋ᠡᠷᠡ ᠪᠠᠰᠠ ᠲᠡᠭᠦᠨ ᠲᠠᠢ ᠠᠳᠠᠯᠢ ᠬᠦᠮᠤᠰ ᠡᠨᠡᠬᠦ ᠪᠡᠶᠡ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠬᠤ ᠶᠢ ᠬᠦᠰᠡᠵᠦ ᠪᠠᠶᠢᠯᠠ᠃(ᠱᠦ ᠵᠢᠶᠠ ᠮᠸ᠋ᠩ)
ᠢᠷᠡᠯᠳᠡ :
ᠠᠷᠠᠳ ᠤᠨ ᠰᠦᠯᠵᠢᠶᠡ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ ᠸᠢᠴᠠᠲ ᠤᠨ ᠨᠡᠶᠢᠳᠡ ᠶᠢᠨ ᠲᠠᠪᠴᠠᠡᠭ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠪᠦᠬᠦ ᠠᠷᠠᠳ ᠢᠶᠡᠷ ᠢᠶᠡᠨ ᠪᠡᠶᠡ ᠪᠡᠨ ᠴᠢᠬᠢᠷᠠᠬᠵᠢᠭᠤᠯᠬᠤ ᠨᠡᠶᠢᠳᠡ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠠᠪᠴᠠᠡᠭ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ APP
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠬᠡᠪᠯᠡᠯ ᠤᠨ ᠡᠷᠬᠡ ᠲᠠᠢ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠡᠴᠡ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠤᠷᠳᠤᠨ ᠳᠠᠭᠠᠭᠠᠴᠢᠯᠠᠪᠠ