— ᠤᠯᠠᠨ ᠵᠢᠯ ᠳᠦᠷᠦᠬᠦᠯᠡᠭᠰᠡᠨ ᠮᠤᠷᠢ ᠦᠪᠡᠷ ᠢ ᠪᠠᠨ ᠤᠶᠠᠳᠠᠭ ᠬᠡᠳᠡᠭ᠃ ᠬᠦᠯᠦᠭ ᠬᠤᠷᠳᠦ ᠲᠠᠢ ᠰᠠᠶᠢᠬᠠᠨ ᠵᠤᠰᠠᠵᠦ ᠪᠠᠶᠢᠨᠠ ᠤᠤ︖
— ᠰᠠᠶᠢᠬᠠᠨ ᠵᠤᠰᠠᠵᠦ ᠪᠠᠶᠢᠨᠠ᠃ ᠡᠨᠡ ᠬᠤᠶᠠᠷ ᠵᠢᠯ ᠨᠠᠭᠠᠳᠤᠮ ᠳᠤ ᠮᠤᠷᠢ ᠪᠠᠨ ᠳᠤᠭᠠ ᠲᠠᠢ ᠳᠠᠯᠪᠢᠵᠦ ᠪᠤᠢ᠂ ᠬᠠᠶᠠ ᠤᠷᠤᠯᠳᠤᠭᠤᠯᠤᠭᠠᠳ ᠯᠡ ᠬᠡᠵᠦ ᠠᠴᠢᠳᠦ ᠭᠤᠸᠠᠢ ᠵᠠᠯᠠᠨ ᠳᠡᠬᠡᠷᠠ ᠤᠶᠠᠭᠠ ᠲᠠᠢ ᠬᠤᠷᠳᠦᠨ ᠬᠦᠯᠦᠭ ᠤᠳ ᠢᠶᠠᠨ ᠬᠢᠷᠠᠬᠠᠢ ᠨᠢᠳᠦ ᠪᠠᠷ ᠢᠶᠠᠨ ᠬᠠᠷᠠᠵᠦ ᠠᠮᠵᠢᠪᠠ᠃
ᠪᠢᠳᠡ ᠢᠡᠭᠬᠢᠵᠦ ᠴᠡᠭᠡ ᠤᠤᠭᠤᠴᠢᠬᠠᠭᠰᠠᠨ ᠡ ᠵᠤᠭᠤᠭᠳᠠᠵᠦ ᠰᠠᠭᠤᠨᠠ᠃
— ᠡᠨᠡ ᠳᠠᠨ ᠤ ᠨᠡᠷᠡᠭᠰᠡᠨ ᠴᠡᠭᠡ ᠤᠤ︖
— ᠪᠢᠰᠢ ᠡ᠂ ᠠᠷᠦ ᠶᠢᠨ ᠠᠶᠢᠯ ᠤᠨ ᠬᠢ᠃ ᠭᠤᠴᠢᠭᠠᠳ ᠠᠳᠤᠭᠤᠳ ᠲᠠᠢ ᠴᠤ ᠪᠢᠳᠡ ᠨᠢᠬᠡ ᠶᠡᠭᠡ ᠴᠡᠭᠡ ᠬᠢᠳᠡᠭ ᠦᠬᠡᠢ᠂ ᠳᠡᠶᠢᠮᠦ ᠴᠠᠭ ᠴᠤ ᠪᠠᠶᠢᠳᠠᠭ ᠦᠬᠡᠢ ᠶᠤᠮ ᠡ᠃ ᠤᠢᠢᠷᠠ ᠶᠢᠨ ᠵᠢᠯ ᠳᠤ ᠴᠡᠭᠡ ᠵᠠᠰᠠᠯ ᠬᠡᠳ ᠦᠨᠠ ᠳᠤ ᠤᠷᠤᠴᠢᠬᠠᠭᠰᠠᠨ ᠪᠠᠶᠢᠬᠤ ᠶᠤᠮ᠃ ᠤᠳᠤ ᠬᠤᠳᠠ ᠬᠦᠳᠡᠭᠡ ᠦᠬᠡᠢ ᠴᠡᠭᠡ ᠪᠠᠨ ᠤᠤᠭᠤᠵᠦ ᠡᠳ᠋ᠯᠡᠳᠡᠭ ᠪᠤᠯᠵᠠᠢ᠂ ᠮᠠᠯ ᠤᠨ ᠢᠶᠠᠨ ᠠᠰᠢᠭ ᠰᠢᠮᠠ ᠶᠢ ᠤᠪᠤᠭᠤ ᠬᠦᠷᠳᠡᠵᠦ ᠪᠠᠶᠢᠭᠠ ᠶᠤᠮ ᠪᠢᠵᠡ᠃ ᠠᠳᠤᠭᠤ ᠬᠡᠵᠦ᠂ ᠬᠡᠰᠢᠭ ᠲᠠᠢ ᠬᠡᠶᠢᠮᠦᠷᠢ ᠲᠠᠢ ᠠᠮᠢᠳᠠᠨ ᠰᠢᠦ᠃
ᠠᠴᠢᠳᠦ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠤᠶᠠᠭᠠᠴᠢᠳ ᠤᠨ ᠨᠡᠶᠢᠬᠡᠮᠯᠢᠭ ᠤᠨ ᠬᠡᠰᠢᠬᠦᠨ᠂ ᠠᠶᠢᠮᠠᠭ ᠤᠷᠤᠨ ᠳᠠᠭᠠᠨ ᠠᠯᠳᠠᠷᠳᠡᠢ ᠤᠶᠠᠭᠠᠴᠢ᠃ ᠰᠦᠢᠯᠠᠭᠠ ᠤᠶᠠᠭᠠ ᠨᠢ ᠳᠡᠩᠴᠡᠭᠰᠡᠨ ᠰᠤᠷ ᠪᠤᠯᠤᠭᠰᠠᠨ ᠠᠳᠤᠭᠤᠳ ᠨᠢ ᠶᠡᠭᠡ ᠪᠠᠭᠠ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠵᠠᠭᠤ ᠭᠠᠷᠦᠢ ᠳᠦᠷᠦᠬᠦᠯᠠᠵᠦ ᠪᠤᠢ ᠠᠮᠵᠢᠯᠳᠠ ᠲᠠᠢ᠃
ᠪᠤᠯᠤᠷ ᠬᠦᠯᠦᠰᠦᠳᠦ ᠡᠵᠡᠨ ᠢᠶᠠᠨ ᠡᠷᠢᠳᠡᠭ᠂ ᠮᠠᠩᠯᠠᠢ ᠤᠶᠠᠭᠠᠴᠢ ᠬᠦᠯᠦᠭ ᠢᠶᠠᠨ ᠳᠠᠨᠢᠳᠠᠭ᠃ ᠮᠤᠩᠭᠤᠯ ᠨᠤᠳᠤᠭ ᠤᠨ ᠮᠤᠷᠢ ᠤᠶᠠᠭᠠᠴᠢ ᠬᠤᠶᠡᠷ ᠬᠡᠳᠦ ᠶᠢᠨ ᠪᠠᠷᠢᠯᠳᠤᠯᠭᠠ ᠲᠠᠢ᠂ ᠬᠡᠵᠢᠶᠡᠳᠡ ᠶᠢᠨ ᠬᠤᠯᠪᠤᠭᠠ ᠲᠠᠢ᠃ ᠠᠴᠢᠳᠦ ᠭᠤᠸᠠᠢ ᠬᠡᠳᠦ᠋ᠢᠪᠡᠷ ᠤᠳᠤᠮ ᠳᠠᠭᠠᠭᠰᠠᠨ ᠤᠶᠠᠭᠠᠴᠢ ᠪᠢᠰᠢ᠂ ᠤᠨᠠᠭᠠᠨ ᠠᠳᠤᠭᠤ ᠲᠠᠢ ᠠᠶᠢᠯ ᠪᠢᠰᠢ ᠴᠤ ᠠᠪᠤᠭᠰᠠᠨ ᠤᠨᠠᠭᠠ ᠪᠤᠯᠭᠠᠨ ᠨᠢ ᠬᠤᠷᠳᠦᠨ ᠬᠦᠯᠦᠭ ᠪᠤᠯᠵᠦ᠂ ᠤᠶᠠᠭᠰᠠᠨ ᠬᠦᠯᠦᠭ ᠪᠦᠷᠢ ᠨᠢ ᠠᠶᠢᠷᠠᠭᠳᠠᠵᠦ ᠶᠠᠪᠤᠵᠠᠢ᠃
— ᠠᠪᠤ ᠮᠠᠨᠢ ᠨᠡᠶᠢᠳᠡ ᠶᠢᠨ ᠠᠳᠤᠭᠤ ᠶᠢ ᠬᠠᠷᠢᠭᠤᠯᠵᠦ ᠪᠠᠶᠢᠭᠰᠠᠨ ᠤ ᠬᠢ ᠪᠢᠯᠢᠦ᠂ ᠪᠢ ᠴᠤ ᠮᠤᠷᠢᠨ ᠳᠤ ᠳᠤᠷᠠ ᠲᠠᠢ ᠪᠠᠬᠠ ᠲᠠᠢ ᠬᠦᠮᠦᠵᠢᠵᠠᠢ᠃ ᠳᠤᠷᠠ ᠲᠠᠢ ᠪᠠᠬᠠ ᠲᠠᠢ ᠪᠤᠯᠬᠤ ᠪᠠᠷ ᠴᠢᠨᠢ ᠳᠡᠬᠦᠨ ᠢ ᠦᠵᠡᠨᠠ᠂ ᠰᠢᠨᠵᠢᠨᠠ᠂ ᠰᠤᠳᠤᠯᠤᠨᠠ᠂ ᠳᠡᠬᠡᠬᠡᠳ ᠤᠶᠠᠨᠠ᠂ ᠰᠦᠢᠨᠠ᠂ ᠨᠠᠭᠠᠳᠤᠨᠠ᠃ ᠡᠴᠤᠰ ᠲᠡᠭᠡᠨ ᠳᠡᠮ ᠢ ᠨᠢ ᠤᠯᠤᠨᠠ᠂ ᠳᠤᠷᠰᠢᠯᠭᠠ ᠬᠤᠷᠢᠶᠡᠨᠠ᠂ ᠬᠠᠰᠢᠷ ᠰᠠᠭᠤᠨᠠ᠃ ᠵᠠᠯᠠᠭᠤ ᠳᠠᠭᠠᠨ ᠠᠪᠠᠭᠠ ᠰᠦᠨᠢᠳ ᠦᠵᠦᠮᠦᠴᠢᠨ ᠁ ᠬᠡᠳ ᠯᠡ ᠬᠡᠷ ᠤᠨ ᠪᠠᠷᠠ ᠬᠠᠷᠡᠯ ᠦᠬᠡᠢ ᠨᠠᠭᠠᠳᠤᠭᠠᠳ ᠶᠠᠪᠤᠴᠢᠬᠠᠳᠠᠭ ᠪᠠᠶᠢᠭᠰᠠᠨ ᠬᠡᠵᠦ ᠠᠴᠢᠳᠦ ᠭᠤᠸᠠᠢ ᠳᠤᠷᠠᠰᠤᠮᠵᠢ ᠰᠡᠬᠦᠨᠠ᠃
ᠤᠶᠠᠭᠠᠴᠢ ᠬᠡᠳᠡᠭ ᠨᠢᠬᠡ ᠬᠡᠮᠵᠢᠶᠡᠨ ᠳᠡᠭᠡᠨ ᠠᠮᠢᠳᠡᠨ ᠰᠤᠳᠤᠯᠤᠭᠠᠴᠢ᠂ ᠪᠠᠶᠢᠭᠠᠯᠢ ᠳᠠᠨᠢᠭᠴᠢ᠂ ᠠᠭᠠᠷ ᠰᠢᠨᠵᠢᠬᠡᠴᠢ᠂ ᠰᠢᠮᠠ ᠳᠡᠵᠢᠬᠡᠯᠴᠢ᠂ ᠳᠠᠮᠢᠷ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠁ ᠬᠡᠳ ᠤᠯᠠᠨ ᠡᠷᠳᠡᠮ ᠤᠨ ᠬᠤᠷᠢᠶᠡᠩᠭᠤᠢ ᠨᠢᠬᠡᠳᠭᠡᠯ ᠶᠤᠮ᠃ ᠡᠨᠡ ᠪᠦᠬᠦ ᠡᠷᠳᠡᠮ ᠢᠶᠠᠨ ᠳᠡᠯᠬᠡᠷᠡᠬᠦᠯᠬᠦ ᠳᠤᠳᠤᠮ ᠤᠶᠠᠭᠰᠠᠨ ᠬᠦᠯᠦᠭ ᠨᠢ ᠬᠤᠷᠳᠤᠯᠡᠵᠦ᠂ ᠤᠯᠠᠨ ᠤ ᠤᠤᠬᠠᠢ ᠶᠢ ᠬᠦᠯᠢᠶᠡᠳᠡᠭ᠃ ᠠᠴᠢᠳᠦ ᠭᠤᠸᠠᠢ ᠶᠠᠭ ᠡᠬᠦᠨ ᠤ ᠢᠯᠡ ᠳᠤᠳᠤ ᠬᠠᠷᠠᠭᠤᠯᠤᠯ᠄ ᠤᠶᠠᠭᠰᠠᠨ ᠮᠤᠷᠢ ᠪᠤᠯᠭᠠᠨ ᠨᠢ ᠱᠠᠩ ᠢᠳᠡᠵᠦ ᠪᠠᠶᠢᠭᠰᠠᠨ︔ ᠠᠬᠠ ᠳᠡᠬᠦᠦ ᠨᠡᠷ ᠲᠠᠭᠠᠨ ᠳᠠᠨᠢᠯᠴᠠᠭᠤᠯᠵᠦ ᠦᠭᠬᠦᠭᠰᠡᠨ ᠮᠤᠷᠢ ᠨᠢ ᠴᠤ ᠬᠡᠰᠡᠨ ᠪᠦᠷ ᠠᠶᠢᠷᠠᠭᠳᠠᠵᠦ ᠪᠠᠶᠢᠭᠰᠠᠨ︔ ᠱᠠᠩ ᠤᠨ ᠠᠳᠤᠭᠤ ᠨᠢ ᠬᠦᠷᠳᠡᠯᠠ ᠴᠤᠯᠡ ᠳᠠᠭᠤᠳᠠᠭᠤᠯᠳᠠᠭ ᠪᠠᠶᠢᠭᠰᠠᠨ᠃ ᠳᠡᠷᠡ ᠪᠠᠷ ᠬᠤᠷᠢ ᠭᠠᠷᠦᠢ ᠠᠳᠤᠭᠤ ᠶᠢ ᠤᠶᠡᠵᠦ ᠬᠤᠷᠳᠤᠯᠠᠭᠤᠯᠬᠤ ᠳᠠᠭᠠᠨ ᠪᠦᠳᠦᠬᠦᠨ ᠬᠠᠷᠠ ᠮᠤᠷᠢ ᠨᠢ 23᠂ ᠳᠤᠭᠤᠷᠤᠤ ᠬᠠᠯᠳᠠᠷ ᠨᠢ 22᠂ ᠦᠨᠳᠦᠷ ᠬᠠᠷᠠ ᠨᠢ 21᠂ ᠠᠯᠠᠭ ᠮᠤᠷᠢ ᠨᠢ 18᠂ ᠴᠤᠸᠠᠩ ᠬᠠᠷᠠ ᠮᠤᠷᠢ᠂ ᠨᠠᠷᠢᠨ ᠬᠠᠷᠠ ᠮᠤᠷᠢ ᠨᠢ ᠳᠤᠰ ᠪᠦᠷᠢ 11᠂ ᠳᠠᠪᠤᠨ ᠴᠠᠭᠠᠨ ᠨᠢ 6᠂ ᠬᠦᠷᠡᠩ ᠮᠤᠷᠢ ᠨᠢ 4᠂ ᠦᠨᠳᠦᠷ ᠬᠤᠸᠠ ᠨᠢ 2᠂ ᠱᠠᠩ ᠤᠨ ᠬᠠᠷᠠ ᠨᠢ 2᠂ ᠱᠠᠩ ᠤᠨ ᠬᠡᠬᠡᠷ ᠨᠢ 1 ᠤᠳᠠᠭᠠ ᠁ ᠳᠦᠷᠦᠬᠦᠯᠡᠵᠦ ᠦᠡᠭᠬᠡᠷᠡᠵᠡᠢ᠃
2004 ᠤᠨ ᠳᠤ᠃ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠨᠤᠳᠤᠭ ᠲᠠᠢ ᠬᠡᠳᠦᠨ ᠨᠠᠶᠢᠵᠠ ᠨᠢ ᠠᠴᠢᠳᠦ ᠪᠠᠷ ᠬᠤᠷᠳᠦᠨ ᠬᠦᠯᠦᠭ ᠦᠵᠡᠬᠦᠯᠬᠦ ᠪᠠᠷ ᠠᠷᠪᠠᠭᠠᠳ ᠠᠳᠤᠭᠤ ᠲᠠᠢ ᠨᠢᠬᠡᠨ ᠠᠶᠢᠯ ᠳᠤ ᠬᠦᠷᠴᠠᠢ᠃ ᠠᠴᠢᠳᠦ ᠪᠠᠶᠠ ᠪᠠᠷ ᠵᠢᠭᠠᠬᠠᠨ ᠰᠢᠭ᠋ ᠬᠠᠷᠠ ᠰᠢᠳᠦᠯᠡᠩ ᠦᠷᠢᠶᠠ ᠶᠢ ᠰᠢᠨᠵᠢᠵᠦ ᠰᠢᠨᠵᠢᠵᠦ ᠳᠠᠨᠢᠯᠴᠠᠭᠤᠯᠤᠭᠰᠠᠨ ᠳᠤ ᠨᠠᠶᠢᠵᠠ ᠨᠠᠷ ᠨᠢ ᠳᠤᠭᠤᠭᠰᠠᠨ ᠦᠬᠡᠢ ᠬᠡᠨᠠ᠃ ᠳᠤᠭᠤᠭᠰᠠᠨ ᠦᠬᠡᠢ ᠪᠤᠯᠬᠤᠷ ᠨᠢ ᠦᠪᠡᠷ ᠢᠶᠠᠨ ᠬᠤᠳᠠᠯᠳᠤᠭᠠᠳ ᠠᠪᠤᠴᠢᠬᠠᠶᠠ ᠬᠡᠳ 2600 ᠳᠦᠬᠦᠷᠢᠭ ᠦᠭᠬᠦᠬᠡᠳ᠂ ᠬᠡᠷ ᠲᠡᠭᠡᠨ ᠠᠪᠴᠢᠷᠡᠵᠦ ᠤᠶᠠᠭᠠ ᠰᠦᠢᠯᠠᠭᠠ ᠶᠢ ᠨᠢ ᠳᠡᠩᠴᠡᠬᠦᠯᠵᠦ ᠡᠬᠢᠯᠡᠵᠡᠢ᠃ ᠳᠠᠷᠠᠭᠠ ᠵᠢᠯ ᠨᠢ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠭᠤᠤᠯ ᠰᠤᠮᠤᠨ ᠤ ᠪᠠᠶᠠᠨ ᠴᠠᠭᠠᠨ ᠤᠪᠤᠭᠠᠨ ᠨᠠᠶᠢᠷ ᠲᠤ ᠬᠢᠵᠠᠭᠠᠯᠠᠩ ᠦᠷᠢᠶᠡᠨ ᠤ ᠤᠷᠤᠯᠳᠤᠭᠠᠨ ᠳᠤ ᠦᠨᠦ ᠵᠢᠭᠠᠬᠠᠨ ᠬᠠᠷᠠ ᠪᠠᠨ ᠠᠩᠬᠠ ᠳᠠᠯᠪᠢᠭᠰᠠᠨ ᠴᠢᠨᠢ ᠳᠦᠷᠦᠬᠦᠯᠡᠴᠢᠬᠡᠵᠦ ᠬᠡᠨᠠ᠃ ᠤᠳᠠᠯ ᠦᠬᠡᠢ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠠᠮᠤᠭᠤᠯᠠᠩᠳᠦ ᠨᠠᠭᠠᠳᠤᠮ ᠤᠨ ᠬᠢᠵᠠᠭᠠᠯᠠᠩ ᠦᠷᠢᠶᠡᠨ ᠤ ᠤᠷᠤᠯᠳᠤᠭᠠᠨ ᠳᠤ ᠪᠠᠰᠠ ᠳᠦᠷᠦᠬᠦᠯᠡᠴᠢᠬᠡᠵᠡᠢ᠃ ᠵᠢᠯ ᠪᠦᠷᠢ ᠶᠠᠪᠤᠭᠳᠠᠳᠠᠭ ᠡᠨᠡ ᠬᠦ ᠨᠠᠭᠠᠳᠤᠮ ᠳᠤ ᠳᠡᠷᠡ ᠪᠠᠷ ᠨᠠᠢᠮᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠳᠦᠷᠦᠬᠦᠯᠡᠭᠰᠡᠨ ᠭᠠᠶᠢᠬᠠᠮᠰᠢᠭ ᠢ ᠪᠢᠴᠢᠭᠯᠡᠵᠦ᠂ 《ᠠᠴᠢᠳᠦ ᠬᠠᠰᠢ ᠯᠡ ᠮᠤᠷᠢ ᠳᠠᠨᠢᠳᠠᠭ ᠭᠠᠷ ᠶᠤᠮ ᠡ》 ᠬᠡᠰᠡᠨ ᠪᠠᠭ᠋ᠠᠷᠬᠠᠯ ᠪᠢᠰᠢᠷᠡᠯ ᠢ ᠤᠯᠵᠦ ᠶᠠᠪᠤᠵᠠᠢ᠃
ᠨᠡᠷᠠ ᠨᠢ ᠮᠠᠨᠳᠤᠭᠠᠳ ᠶᠠᠮᠠᠷ ᠱᠤᠭᠳᠠᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠠᠢ ᠬᠡᠪᠡᠯ᠄ ᠠᠴᠢᠳᠦ ᠢᠷᠡᠬᠡᠳ ᠮᠤᠷᠢ ᠰᠢᠨᠵᠢᠵᠦ ᠪᠠᠶᠢᠨᠠ᠂ ᠳᠤᠭᠤᠭᠰᠠᠨ ᠮᠤᠷᠢ ᠨᠢ ᠳᠠᠭᠠᠷᠡᠪᠡᠯ ᠦᠨᠠ ᠶᠢ ᠨᠢ ᠦᠰᠬᠡᠵᠦ ᠬᠡᠯᠡ ᠬᠡᠳ ᠪᠠᠶᠠᠨᠰᠢᠯᠢ ᠶᠢᠨ ᠮᠠᠶᠢᠮᠠᠶᠢᠴᠢᠳ ᠨᠢᠬᠡ ᠨᠢᠬᠡᠨ ᠳᠡᠭᠡᠨ ᠵᠠᠬᠢᠳᠠᠭ ᠪᠤᠯᠵᠠᠢ᠃ ᠠᠷᠭᠠ ᠦᠬᠡᠢ᠂ ᠳᠡᠬᠦᠨ ᠤ ᠳᠤᠭᠤᠭᠰᠠᠨ ᠮᠤᠷᠢ ᠪᠤᠯᠭᠠᠨ ᠨᠢ ᠬᠤᠷᠳᠤᠯᠡᠬᠤ ᠬᠡᠮᠵᠢᠶᠡᠨ ᠤ ᠬᠦᠯᠦᠭ ᠤᠳ ᠬᠤᠶᠢᠨᠠ᠃
— ᠤᠳᠤ ᠤᠶᠠᠭᠠᠴᠢᠳ ᠠᠷᠪᠢᠳᠴᠠᠢ᠂ ᠳᠤᠭᠤᠢ ᠯᠡ ᠨᠢᠬᠡ ᠵᠠᠯᠠᠭᠤᠴᠤᠳ ᠴᠢᠨᠢ ᠮᠤᠷᠢ ᠠᠪᠤᠭᠠᠳ ᠯᠠ ᠨᠠᠭᠠᠳᠤᠨᠠ᠃ ᠵᠤᠭᠤᠰ ᠲᠠᠢ ᠨᠢᠬᠡ ᠨᠢ ᠠᠷᠪᠠ ᠬᠤᠷᠢᠨ ᠳᠦᠮᠡ ᠪᠠᠷ ᠭᠠᠳᠠᠭᠠᠳᠦ ᠶᠢᠨ ᠴᠡᠪᠡᠷ ᠴᠢᠰᠦᠨ ᠤ ᠮᠤᠷᠢ ᠠᠪᠤᠭᠠᠳ ᠤᠷᠤᠯᠳᠤᠬᠤ ᠪᠠᠷ ᠴᠢᠨᠢ ᠮᠠᠨ ᠤ ᠳᠡᠷᠡ ᠴᠢᠨᠢ ᠬᠠᠪᠢᠳᠠᠬᠤ ᠦᠬᠡᠢ ᠶᠠ᠃ ᠳᠡᠷᠡ ᠮᠦᠷᠳᠡᠬᠡᠨ ᠬᠡᠨ ᠤ ᠬᠢᠨ ᠮᠤᠷᠢ ᠨᠢ ᠯᠠᠪᠳᠠᠶᠢᠶᠠ ᠳᠦᠷᠦᠬᠦᠯᠡᠴᠢᠬᠡᠨᠠ ᠬᠡᠵᠦ ᠪᠠᠳᠤᠯᠠᠭᠠ ᠲᠠᠢ ᠬᠡᠯᠡᠵᠦ ᠳᠡᠶᠢᠯᠬᠦ ᠦᠬᠡᠢ ᠴᠠᠭ ᠪᠤᠯᠵᠠᠢ᠃ ᠰᠡᠬᠦᠯ ᠳᠤᠨᠢ ᠪᠢ ᠪᠤᠳᠤᠳᠠᠭ ᠪᠤᠯᠤᠭᠰᠠᠨ᠂ ᠮᠤᠩᠭᠤᠯ ᠮᠤᠷᠢ ᠪᠠᠨ ᠯᠡ ᠤᠶᠡᠶᠠ ᠬᠡᠵᠦ ᠠᠴᠢᠳᠦ ᠭᠤᠸᠠᠢ ᠬᠡᠯᠡᠬᠡᠳ ᠮᠠᠨᠤᠰ ᠲᠤ ᠤᠶᠠᠭᠠ ᠲᠠᠢ ᠮᠤᠷᠢᠳ ᠢᠶᠠᠨ ᠦᠵᠡᠬᠦᠯᠬᠦ ᠪᠠᠷ ᠭᠠᠷᠤᠯᠠ᠃
— ᠮᠡᠳᠡᠬᠡᠵᠢ᠂ ᠲᠠᠨ ᠢ ᠬᠢᠷᠠᠬᠠᠢ ᠤᠶᠠᠭᠠᠴᠢ ᠬᠡᠳᠡᠭ᠃ ᠬᠤᠷᠳᠦᠨ ᠮᠤᠷᠢ ᠶᠢ ᠶᠡᠷᠦ ᠨᠢ ᠶᠠᠭᠠᠬᠢᠵᠦ ᠰᠢᠨᠵᠢᠳᠡᠭ ᠪᠤᠢ︖ ᠦᠪᠡᠷ ᠤᠨ ᠴᠢᠨᠢ ᠨᠢᠬᠡ ᠶᠠᠭᠤᠮᠠ ᠪᠠᠶᠢᠨᠠ ᠳ᠋ᠠ᠂ ᠳᠡᠬᠦᠨ ᠢ ᠪᠠᠨ ᠨᠢᠭᠤᠴᠠᠯᠠᠵᠦ ᠪᠢᠰᠢ᠂ ᠬᠠᠭᠤᠴᠢᠯᠡᠵᠦ ᠬᠡᠯᠡᠬᠦ ᠦᠬᠡᠢ ᠤᠤ ᠲᠠ︖
— ᠠᠬᠠᠮᠠᠳ ᠤᠨ ᠳᠡᠷᠬᠡᠳᠡ ᠪᠤᠯ ᠪᠢᠳᠡ ᠴᠢᠨᠢ ᠮᠤᠷᠢ ᠳᠠᠨᠢᠬᠤ ᠳᠠᠭᠠᠨ ᠤᠷᠤᠬᠤ ᠦᠬᠡᠢ᠃ ᠬᠡᠬᠦ ᠳᠡᠭᠡᠨ ᠰᠠᠶᠢᠨ ᠮᠤᠷᠢ ᠬᠡᠳᠡᠭ ᠴᠠᠭᠠᠨᠠ ᠠᠴᠠ ᠪᠠᠨ ᠢᠳᠡᠷᠡᠬᠦᠨ ᠪᠠᠳᠠᠷᠠᠩᠭᠤᠢ ᠳᠦᠷᠬᠦ ᠲᠠᠢ᠃ ᠭᠠᠳᠠᠷ ᠬᠡᠯᠪᠡᠷᠢ᠂ ᠪᠡᠶᠠ ᠪᠢᠯᠳᠡᠷ ᠪᠡ ᠳᠤᠳᠤᠭᠠᠳᠦ ᠪᠦᠳᠦᠴᠡ᠂ ᠨᠢᠭᠤᠴᠠ ᠰᠢᠨᠵᠢ ᠳᠡᠮᠳᠡᠭ᠂ ᠦᠢᠯᠡ ᠬᠦᠳᠡᠯᠦᠯ ᠵᠡᠷᠬᠡ ᠳᠠᠯᠠ ᠠᠴᠠ ᠠᠳᠤᠭᠤᠨ ᠤ ᠡᠷᠡᠬᠦᠯ ᠳᠦᠯᠦᠪ᠂ ᠤᠷᠴᠢᠨ ᠳᠤᠭᠤᠷᠢᠨ ᠳᠤ ᠵᠤᠬᠢᠴᠠᠬᠤ ᠴᠢᠳᠠᠪᠤᠷᠢ᠂ ᠳᠠᠭᠠᠭᠠᠴᠠ ᠳᠡᠰᠪᠤᠷᠢ᠂ ᠵᠠᠩ ᠠᠷᠠᠨᠰᠢᠨ ᠪᠡ ᠬᠤᠷᠳᠦᠴᠠ ᠶᠢ ᠤᠢᠢᠯᠠᠭᠠᠳᠠᠭ ᠬᠡᠮᠡᠨ ᠠᠴᠢᠳᠦ ᠭᠤᠸᠠᠢ ᠢᠯᠠᠭᠠᠷᠬᠠᠵᠦ ᠪᠤᠢ ᠬᠠᠶᠢᠷᠡᠳᠡᠢ ᠬᠦᠯᠦᠭ ᠤᠳ ᠢᠶᠠᠨ ᠢᠯᠢᠴᠢᠬᠡᠭᠰᠡᠨ᠂ ᠪᠠᠭ᠋ᠠᠷᠬᠠᠨ ᠪᠠᠶᠢᠵᠦ ᠠᠮᠠ ᠬᠠᠯᠠᠨᠠ᠃
ᠳᠡᠬᠦᠨ ᠤ ᠶᠠᠷᠢᠶᠡᠨ ᠠᠴᠠ ᠬᠦᠯᠦᠭ ᠬᠦᠯᠦᠭ ᠠᠳᠠᠯᠢ ᠦᠬᠡᠢ ᠶᠢᠨ ᠤᠴᠢᠷ ᠵᠠᠷᠢᠮ ᠮᠤᠷᠢᠨ ᠤ ᠭᠠᠳᠠᠷ ᠰᠢᠨᠵᠢ ᠨᠢ ᠳᠡᠶᠢᠮᠦ ᠳᠤᠪᠤᠶᠢᠮᠠ ᠪᠢᠰᠢ ᠪᠠᠶᠢᠳᠠᠭ᠃ ᠶᠡᠬᠡᠨᠭᠬᠢ ᠪᠠᠶᠢᠳᠠᠯ ᠳᠠᠭᠠᠨ ᠤᠶᠠᠭᠠᠴᠢ ᠬᠦᠮᠦᠨ ᠤ ᠡᠷᠳᠡᠮ ᠯᠡ ᠮᠡᠳᠡᠭᠰᠡᠨ ᠬᠡᠷᠡᠭ᠃ ᠨᠠᠭᠠᠳᠤ ᠵᠠᠬᠠ ᠨᠢ ᠳᠡᠷᠡ ᠠᠳᠤᠭᠤᠨ ᠤ ᠤᠰᠤ ᠤᠤᠭᠤᠬᠤ ᠶᠠᠩᠵᠦ᠂ ᠢᠨᠴᠠᠭᠠᠬᠤ ᠳᠠᠭᠤ᠂ ᠰᠢᠬᠡᠬᠦ ᠪᠠᠶᠢᠳᠠᠯ᠂ ᠤᠨᠳᠠᠬᠤ ᠪᠠᠶᠢᠳᠠᠯ᠂ ᠤᠨᠠᠭᠠᠯᠠᠬᠤ ᠪᠠᠶᠢᠳᠠᠯ ᠬᠦᠷᠳᠡᠯᠠ ᠨᠢ ᠨᠡᠷᠢᠨ ᠳᠤᠭᠠᠴᠠᠭᠠ ᠨᠢᠮᠪᠠᠢ ᠰᠢᠨᠵᠢᠯᠡᠭᠡ ᠲᠠᠢ᠃ ᠬᠠᠮᠤᠭ ᠤᠨ ᠭᠤᠤᠯ ᠨᠢ ᠮᠤᠷᠢ ᠤᠶᠠᠵᠦ ᠬᠤᠷᠳᠤᠯᠠᠭᠤᠯᠬᠤ ᠳᠤ ᠠᠮᠢᠰᠬᠤᠭᠠ ᠶᠢ ᠨᠢ ᠠᠭᠤᠵᠢᠷᠠᠭᠤᠯᠵᠦ᠂ ᠵᠠᠳᠠᠯᠬᠤ ᠬᠡᠷᠡᠭᠳᠡᠢ ᠭᠡᠳᠡᠭ ᠢ ᠮᠡᠳᠡᠯᠠ᠃
— ᠲᠨ ᠮᠤᠷᠢ ᠤᠶᠠᠬᠤ ᠡᠷᠳᠡᠮ ᠤᠨ ᠢᠶᠠᠨ ᠬᠠᠮᠤᠭ ᠤᠨ ᠭᠤᠤᠯ ᠢ ᠨᠢ ᠬᠡᠯᠡᠬᠡᠳ ᠦᠭᠬᠦᠴᠢᠬᠡᠯᠠ ᠰᠢᠳᠡ᠂ ᠪᠠᠶᠠᠷᠯᠡᠯᠠ᠃
— ᠳᠡᠷᠡ ᠶᠠᠭᠠᠬᠢᠬᠤ ᠪᠤᠢ᠂ ᠤᠶᠠᠭᠠᠴᠢᠳ ᠤᠨ ᠮᠡᠳᠡᠳᠡᠭ ᠯᠡ ᠵᠦᠢᠯ ᠪᠠᠶᠢᠬᠠ᠃ ᠨᠢᠬᠡ ᠭᠠᠰᠢᠭᠤᠨ ᠶᠠᠭᠤᠮᠠ ᠪᠤᠢ᠂ ᠶᠠᠷᠢᠴᠢᠬᠠᠬᠤ ᠤᠤ︖
— ᠳᠡᠭᠡ ᠡ᠂ ᠰᠤᠨᠤᠰᠤᠶᠠ᠃
— ᠳᠡᠷᠡ ᠨᠢ ᠶᠠᠭᠤ ᠪᠤᠢ ᠬᠡᠬᠦ ᠪᠠᠷ ᠠᠮᠢᠳᠠᠨ ᠳᠤ ᠬᠠᠶᠢᠷᠠ ᠬᠦᠷᠬᠦ᠃ ᠬᠡᠨᠡᠨ ᠰᠢᠦ᠃ ᠬᠠᠶᠢᠷᠡᠳᠡᠢ ᠮᠤᠷᠢ ᠴᠢᠨᠢ ᠨᠢᠬᠡ ᠬᠡᠮᠳᠦᠵᠦ ᠰᠢᠷᠬᠠᠳᠤᠪᠡᠯ ᠵᠢᠷᠦᠬᠡᠨ ᠳᠤ ᠰᠢᠷᠠ ᠤᠰᠤ ᠳᠤᠨᠤᠬᠤ ᠶᠤᠮ᠃ ᠤᠳᠤ ᠪᠤᠯ ᠰᠤᠷᠢᠵᠦ ᠪᠠᠶᠢᠬᠤ ᠳᠠᠭᠠᠨ ᠴᠤ ᠢᠡᠭᠬᠢᠵᠦ ᠴᠢᠩᠬᠢᠴᠢᠬᠡᠬᠦ ᠪᠤᠢ ᠬᠡᠵᠦ ᠠᠶᠤᠳᠠᠭ ᠪᠤᠯᠤᠭᠰᠠᠨ᠃ ᠳᠡᠷᠡ ᠵᠢᠯ ᠤᠷᠤᠯᠳᠤᠭᠠᠨ ᠤ ᠭᠠᠵᠠᠷ ᠢ ᠨᠢ ᠤᠷᠢᠳ ᠢᠶᠠᠷ ᠦᠵᠡᠭᠰᠡᠨ ᠦᠬᠡᠢ ᠠᠴᠠ ᠪᠤᠯᠵᠦ ᠳᠦᠷᠦᠬᠦᠯᠡᠬᠦ ᠮᠤᠷᠢ ᠮᠠᠨᠢ ᠬᠦᠨᠳᠡᠢ ᠨᠦᠬᠡ ᠳᠠᠭᠠᠷᠠᠵᠦ ᠳᠠᠮ ᠬᠢᠰᠬᠢᠬᠡᠳ ᠬᠦᠯ ᠢᠶᠠᠨ ᠬᠤᠭᠤᠯᠴᠢᠬᠠᠭᠰᠠᠨ᠃ ᠳᠡᠬᠡᠬᠡᠳ ᠠᠵᠢᠷᠭᠠ ᠳᠠᠯᠪᠢᠴᠢᠬᠠᠭᠰᠠᠨ ᠳ᠋ᠠ ᠁ ᠳᠡᠷᠡ ᠠᠶᠤᠮᠰᠢᠭᠳᠤ ᠪᠠᠶᠢᠳᠠᠯ ᠢ ᠨᠢᠳᠦ ᠪᠠᠷ ᠢᠶᠠᠨ ᠦᠵᠡᠬᠦ ᠬᠡᠴᠡᠬᠦᠦ᠂ ᠦᠨᠡᠬᠡᠷ ᠬᠡᠴᠡᠬᠦᠦ ᠬᠡᠳ ᠬᠡᠨᠳᠡᠭᠰᠡᠨ ᠮᠤᠷᠢᠨ ᠤ ᠪᠠᠨ ᠬᠡᠷᠡᠯ ᠵᠢᠷᠤᠭ ᠢ ᠦᠵᠡᠬᠦᠯᠪᠡ᠃
ᠤᠷᠤᠯᠳᠤᠭᠠᠨ ᠤ ᠭᠠᠵᠠᠷ ᠢ ᠨᠢ ᠰᠠᠶᠢᠳᠦᠷ ᠰᠢᠨᠵᠢᠵᠦ᠂ ᠨᠢᠬᠡ ᠤᠳᠠᠭᠠ ᠶᠠᠪᠤᠵᠦ ᠦᠵᠡᠭᠰᠡᠨ ᠪᠠᠶᠢᠬᠤ ᠴᠢᠬᠤᠯᠠᠳᠠᠢ ᠶᠢ ᠪᠢᠳᠡ ᠠᠴᠢᠳᠦ ᠭᠤᠸᠠᠢ ᠶᠢᠨ ᠬᠠᠷᠠᠮᠰᠠᠯ ᠠᠴᠠ ᠰᠤᠨᠤᠰᠤᠯᠠ᠃ ᠪᠠᠰᠠ ᠮᠤᠷᠢᠨ ᠤ ᠬᠡᠦᠬᠡᠳ᠂ ᠰᠠᠶᠢᠨ ᠤᠨᠤᠭᠠᠴᠢ ᠮᠠᠰᠢ ᠴᠢᠬᠤᠯᠡ ᠶᠢ ᠮᠡᠳᠡᠯᠠ᠃ ᠬᠡᠳᠦᠢ ᠬᠡᠯᠡᠵᠦ ᠪᠠᠶᠢᠯᠠ ᠴᠤ ᠳᠤᠭᠳᠠᠭᠠᠬᠤ ᠳᠤ ᠮᠠᠭᠤᠳᠠᠢ ᠬᠡᠦᠬᠡᠳ ᠪᠤᠯ ᠤᠷᠤᠯᠳᠤᠭᠠᠨ ᠤ ᠳᠠᠯᠠᠪᠠᠢ ᠳᠤ ᠶᠠᠭᠠᠷᠡᠵᠦ ᠰᠠᠭᠠᠷᠠᠬᠤ ᠵᠦᠢᠯ ᠭᠠᠷᠤᠭᠠᠳ ᠪᠠᠶᠢᠳᠠᠭ ᠬᠡᠨᠠ᠃ ᠤᠨᠤᠭᠠᠴᠢ᠂ ᠮᠤᠷᠢ ᠬᠤᠶᠡᠷ ᠨᠢᠬᠡᠳᠴᠤ ᠪᠠᠶᠢᠮᠠᠨ ᠠᠮᠵᠢᠯᠳᠡ ᠪᠠᠶᠢᠭᠤᠯᠤᠨᠠ᠃ ᠮᠤᠷᠢᠨ ᠤ ᠬᠡᠦᠬᠡᠳ ᠲᠤ ᠦᠪᠡᠷ ᠤᠨ ᠦᠷᠠ ᠮᠡᠳᠦ ᠬᠠᠶᠢᠷᠡᠳᠡᠢ ᠪᠠᠶᠢᠬᠤ᠂ ᠰᠠᠶᠢᠳᠦᠷ ᠬᠢᠨᠠᠭᠤᠷ ᠳᠤᠳᠤᠮᠳᠠᠬᠤ᠂ ᠳᠤᠷᠰᠢᠯᠭᠠ ᠪᠠᠨ ᠶᠡᠬᠦᠯᠡᠬᠦ᠂ ᠮᠤᠷᠢ ᠤᠨᠤᠬᠤ ᠮᠡᠷᠬᠡᠵᠢᠯ ᠢ ᠨᠢ ᠳᠡᠭᠡᠭᠰᠢᠯᠡᠬᠦᠯᠬᠦ᠂ ᠠᠯᠢ ᠦᠶᠠ ᠳᠤᠨᠢ ᠵᠢᠯᠤᠭᠤ ᠰᠤᠩᠭᠠᠵᠦ᠂ ᠠᠯᠢ ᠴᠠᠭ ᠲᠤᠨᠢ ᠮᠤᠷᠢᠨ ᠤ ᠠᠶᠠ ᠪᠠᠷ ᠶᠠᠪᠤᠭᠤᠯᠬᠤ᠂ ᠭᠠᠷᠤᠭᠠᠨ ᠤ ᠭᠠᠵᠠᠷ ᠠᠴᠠ ᠶᠠᠭᠠᠬᠢᠵᠦ ᠰᠤᠭᠤᠷᠠᠬᠤ᠂ ᠪᠠᠷᠢᠭᠠᠨ ᠤ ᠭᠠᠵᠠᠷ ᠬᠡᠷᠬᠢᠨ ᠰᠤᠮᠤᠳᠠᠬᠤ᠂ ᠦᠷᠢᠰᠦᠯᠳᠦᠬᠦ ᠮᠤᠷᠢ ᠪᠠᠨ ᠶᠠᠭᠠᠬᠢᠵᠦ ᠳᠠᠷ ᠢ ᠨᠢ ᠪᠠᠷᠠᠭᠠᠬᠤ᠂ ᠬᠡᠷᠬᠢᠨ ᠬᠤᠷᠢᠵᠤ ᠬᠠᠰᠢᠬᠤ ᠁ ᠬᠡᠬᠦᠴᠢᠯᠡᠨ ᠤᠯᠠᠨ ᠳᠠᠯᠠ ᠶᠢᠨ ᠠᠩᠬᠠᠷᠤᠯ ᠬᠦᠮᠦᠵᠢᠯ ᠪᠠᠶᠢᠳᠠᠭ ᠠᠵᠢ᠃
— ᠦᠷᠯᠦᠬᠡ ᠰᠡᠷᠢᠬᠦᠨ ᠪᠠᠶᠢᠭᠰᠠᠨ ᠢᠶᠠᠨ ᠤᠳᠤ ᠬᠠᠯᠠᠭᠤᠨ ᠪᠤᠯᠬᠤ ᠰᠢᠨᠵᠢᠳᠡᠢ ᠳ᠋ᠠ᠃
— ᠬᠠᠷᠢᠨ ᠳᠡᠶᠢᠮᠦ᠃ ᠴᠠᠭ ᠠᠭᠤᠷ ᠤᠨ ᠪᠠᠶᠢᠳᠠᠯ ᠢ ᠤᠨᠤᠪᠴᠢᠳᠠᠢ ᠤᠷᠢᠳᠴᠢᠯᠠᠨ ᠳᠦᠰᠦᠪᠯᠡᠵᠦ᠂ ᠤᠶᠠᠵᠦ ᠪᠠᠶᠢᠭᠠ ᠮᠤᠷᠢᠨ ᠤ ᠪᠠᠨ ᠪᠠᠶᠢᠭᠠᠯᠢᠯᠢᠭ ᠴᠢᠨᠡᠷ ᠲᠤ ᠳᠤᠬᠢᠷᠠᠭᠤᠯᠵᠦ᠂ ᠠᠵᠢᠡᠡᠯᠠᠯᠳᠠ ᠬᠢᠵᠦ᠂ ᠶᠠᠭᠤ ᠳᠤᠳᠠᠭᠳᠠᠵᠦ ᠪᠠᠶᠢᠪᠠᠯ ᠶᠠᠭᠤ ᠶᠢ ᠨᠦᠬᠦᠪᠦᠷᠢᠯᠡᠬᠦ ᠵᠢᠮᠠ ᠪᠠᠷ ᠨᠠᠷᠡ ᠳᠤᠳᠠᠭᠳᠠᠵᠦ ᠪᠠᠶᠢᠪᠠᠯ ᠦᠳᠡ ᠶᠢᠨ ᠬᠤᠶᠢᠨᠡᠬᠢ ᠬᠠᠯᠠᠭᠤᠨ ᠨᠠᠷᠡᠨ ᠳᠤ ᠴᠠᠭ ᠬᠢᠷᠢᠳᠡᠢ ᠤᠶᠠᠵᠦ᠂ ᠬᠤᠷᠠ ᠳᠤᠳᠠᠭᠳᠠᠵᠦ ᠪᠠᠶᠢᠪᠠᠯ ᠤᠷᠦ᠋ᠢᠬᠠᠨ ᠰᠡᠷᠢᠬᠦᠦ ᠤᠷᠤᠬᠤ ᠶᠢᠨ ᠦᠶᠠ ᠪᠠᠷ ᠮᠤᠷᠢᠨ ᠤ ᠬᠤᠨᠳᠤᠯᠠᠢ ᠳᠡᠬᠡᠬᠦᠷ ᠤᠰᠤ ᠰᠦᠷᠴᠢᠳᠡᠭ᠃ ᠪᠢ ᠡᠳᠦᠢ ᠵᠢᠯ ᠮᠤᠷᠢ ᠡᠳ᠋ᠯᠡᠬᠡᠳ ᠡᠪᠦᠯ ᠤᠨ ᠴᠠᠭ ᠪᠤᠷᠳᠤᠭᠠ ᠢᠳᠡᠬᠦᠯᠬᠦ ᠶᠡᠭᠡ ᠮᠠᠭᠤ ᠬᠡᠳᠡᠭ ᠢ ᠮᠡᠳᠡᠭᠰᠡᠨ᠂ ᠳᠡᠷᠡ ᠴᠢᠨᠢ ᠬᠠᠯᠠᠭᠤᠨ ᠰᠠᠭᠤᠨᠠ᠂ ᠠᠮᠢᠰᠬᠤᠭᠠ ᠨᠢ ᠶᠡᠬᠡᠳᠡᠨᠠ᠂ ᠬᠦᠳᠡᠯᠬᠡᠨ ᠳᠤᠳᠠᠭᠳᠠᠳᠠᠭ ᠶᠤᠮ ᠪᠢᠯᠡ᠃ ᠳᠡᠬᠡᠬᠡᠳ ᠮᠤᠷᠢ ᠪᠠᠨ ᠢᠳᠡᠰᠢᠯᠡᠬᠦᠯᠬᠦ ᠳᠤ ᠴᠠᠭ ᠢᠶᠠᠷ ᠪᠢᠰᠢ ᠮᠢᠨᠦ᠋ᠲ ᠢᠶᠠᠷ ᠬᠡᠮᠵᠢᠶᠡᠯᠡᠵᠦ᠂ ᠶᠠᠮᠠᠷ ᠳᠦᠷᠦᠯ ᠤᠨ ᠡᠪᠡᠰᠦ ᠢᠳᠡᠬᠦᠯᠬᠦ᠂ ᠬᠡᠳᠦᠨ ᠴᠠᠭ ᠲᠤ ᠤᠰᠤᠯᠠᠬᠤ᠂ ᠬᠡᠳᠦᠢ ᠤᠤᠭᠤᠯᠭᠠᠬᠤ᠂ ᠰᠦᠨᠢ ᠤᠷᠤᠢ ᠳᠠᠭᠠᠨ ᠴᠤ ᠠᠳᠤᠭᠤ ᠪᠠᠨ ᠮᠠᠨᠠᠵᠦ ᠬᠠᠷᠡᠵᠦ᠂ ᠦᠷ ᠤᠨ ᠴᠢᠬᠢᠭ ᠠᠴᠠ ᠰᠡᠷᠬᠡᠶᠢᠯᠡᠬᠦ ᠬᠡᠬᠦᠴᠢᠯᠡᠨ ᠤᠯᠠᠨ ᠵᠦᠢᠯ ᠪᠠᠶᠢᠨᠠ ᠡ ᠬᠡᠳ ᠠᠴᠢᠳᠦ ᠠᠳᠤᠭᠤ ᠪᠠᠨ ᠬᠤᠷᠢᠶᠡᠬᠤ ᠪᠠᠷ ᠶᠠᠪᠤᠯᠠ᠃
ᠬᠤᠳᠳᠤᠭ ᠤᠨ ᠳᠡᠷᠬᠡᠳᠡ ᠠᠴᠢᠳᠦ ᠶᠢᠨ ᠪᠦᠰᠡᠬᠦᠢ ᠰᠠᠷᠠᠨᠳᠤᠩᠭᠠᠯᠠᠭ ᠭᠤᠸᠠᠢ ᠲᠠᠢ ᠶᠡᠷᠢᠵᠦ ᠰᠠᠭᠤᠪᠠ᠃
— ᠲᠠᠨ ᠤ ᠬᠢᠨ ᠪᠦᠷ ᠠᠳᠤᠭᠤᠨ ᠳᠤ ᠬᠠᠶᠢᠷᠡᠳᠡᠢ ᠶᠤᠮ ᠪᠢᠵᠡ︖
— ᠨᠦᠬᠦᠷ ᠮᠠᠨᠢ ᠮᠤᠷᠢᠨ ᠳᠤ ᠬᠤᠷᠤᠬᠠᠢ ᠲᠠᠢ᠂ ᠪᠢ ᠳᠤᠷᠠ ᠦᠬᠡᠢ ᠬᠡᠳ ᠳᠤᠮᠪᠤᠶᠢᠭᠠᠳ ᠰᠠᠭᠤᠬᠤ ᠶᠤᠮ ᠪᠤᠯ ᠵᠦᠭ ᠭᠠᠷᠦᠨᠠ ᠤᠤ ᠳ᠋ᠠ᠃ ᠠᠪᠤ ᠨᠢ ᠠᠳᠤᠭᠤ ᠠᠳᠤᠭᠤ ᠬᠡᠳ ᠬᠤᠶᠢᠨᠠ ᠠᠴᠠ ᠨᠢ ᠤᠷᠤᠴᠢᠬᠠᠬᠤ ᠪᠠᠷ ᠬᠤᠶᠡᠷ ᠬᠡᠦᠬᠡᠳ ᠮᠠᠨᠢ ᠴᠤ ᠬᠡᠢ ᠲᠠᠢ ᠪᠤᠯᠴᠢᠬᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠨᠢᠬᠡ ᠨᠢᠬᠡᠨ ᠢᠶᠠᠨ ᠰᠠᠳᠬᠢᠯ ᠢᠳᠡᠬᠡᠯ ᠢᠶᠠᠷ ᠳᠡᠮᠵᠢᠵᠦ ᠪᠠᠶᠢᠬᠤ ᠳᠤ ᠯᠡ ᠠᠶᠢᠯ ᠬᠡᠷ ᠦᠬᠡᠳᠡᠯᠡᠵᠦ ᠪᠠᠳᠠᠷᠠᠳᠠᠭ᠃ ᠳᠡᠷᠡ ᠪᠠᠶᠢᠳᠤᠭᠠᠢ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠰᠠᠶᠢᠨ ᠤᠶᠠᠭᠠᠴᠢ ᠶᠢᠨ ᠨᠢᠬᠡ ᠪᠤᠯᠬᠤ ᠪᠠᠭᠠᠳᠤᠷ ᠬᠡᠵᠦ ᠮᠠᠨ ᠤ ᠬᠤᠳᠠ ᠪᠤᠯᠳᠠᠭ ᠶᠤᠮ᠂ ᠬᠦᠷᠬᠡᠨ ᠪᠠᠰᠠ ᠤᠶᠠᠭᠠᠴᠢ (ᠢᠨᠢᠶᠡᠪᠡ)ᠰᠢᠦ᠃ ᠪᠤᠳᠤᠪᠠᠯ ᠬᠤᠪᠢ ᠳᠠᠪᠢᠯᠠᠩ᠃ ᠶᠠᠭᠤ ᠴᠤ ᠬᠡᠰᠡᠨ ᠳᠡᠭᠷᠢᠯᠢᠭ ᠠᠮᠢᠳᠠᠨ ᠤ ᠬᠡᠰᠢᠭ ᠬᠡᠶᠢᠮᠦᠷᠢ ᠠᠶᠢᠯ ᠬᠡᠷ ᠢ ᠮᠠᠨᠢ ᠦᠬᠡᠳᠡ ᠨᠢ ᠳᠠᠳᠠᠵᠦ ᠶᠠᠪᠤᠭᠠ ᠳ᠋ᠠ ᠬᠡᠳ ᠤᠡᠭᠭᠤᠴᠠᠨ ᠳᠠᠭᠠᠨ ᠤᠰᠤ ᠳᠦᠬᠦᠷᠬᠡᠨᠠ᠃ ᠡᠳᠡᠨ ᠤ ᠬᠢᠨ ᠤ ᠤᠷᠤᠰᠢᠨ ᠰᠠᠭᠤᠭᠰᠠᠨ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠴᠤᠬᠠᠠᠭᠤᠯᠠ ᠰᠤᠮᠤ ᠶᠢᠨ ᠪᠤᠯᠠᠭ ᠭᠠᠴᠠᠭᠠ ᠨᠢ ᠬᠡᠳᠦ᠋ᠢᠪᠡᠷ ᠪᠡᠯᠴᠢᠬᠡᠷ ᠪᠠᠭᠠ ᠲᠠᠢ ᠴᠤ ᠤᠮᠤᠭᠯᠠᠩ ᠠᠳᠤᠭᠤᠳ ᠳᠠᠪᠬᠢᠬᠤ ᠪᠠᠷ ᠠᠭᠤᠵᠢᠮ ᠳᠡᠨᠢᠬᠦᠨ ᠰᠠᠨᠠᠭᠳᠠᠬᠤ ᠶᠤᠮ᠃
ᠬᠢᠨᠭ᠍ᠭᠤᠤ ᠶᠢᠨ ᠳᠠᠭᠤᠨ ᠢᠶᠠᠷ ᠬᠡᠯᠡ ᠳᠤ ᠤᠷᠤᠵᠦ᠂ ᠭᠠᠩ ᠳᠦᠷᠦᠬᠡᠨᠠ ᠬᠦᠯ ᠳᠤ ᠤᠷᠤᠭᠰᠠᠨ᠂ ᠬᠢᠷᠠᠬᠠᠢ ᠨᠢᠳᠦ ᠪᠠᠷ ᠢᠶᠠᠨ ᠬᠦᠯᠦᠭ ᠰᠢᠨᠵᠢᠵᠦ᠂ ᠬᠠᠰᠢᠷ ᠤᠶᠠᠭᠠᠴᠢ ᠶᠢᠨ ᠭᠠᠯ ᠳᠤ ᠪᠠᠭᠳᠠᠭᠰᠠᠨ ᠠᠴᠢᠳᠦ ᠭᠤᠸᠠᠢ ᠰᠦᠷᠦᠭ ᠠᠳᠤᠭᠤ ᠪᠠᠨ ᠡᠷᠬᠢᠬᠦᠯᠵᠦ ᠨᠠᠭᠠᠰᠢᠯᠡᠨᠠ᠃ ᠤᠶᠠᠭᠠᠴᠢ ᠬᠦᠯᠦᠭ ᠬᠤᠶᠡᠷ ᠤᠨᠴᠠ ᠶᠢᠨ ᠬᠡᠷᠡᠯ ᠲᠠᠢ ᠬᠠᠷᠠᠭᠳᠠᠨᠠ᠃ ᠮᠠᠩᠨᠠᠢ ᠳᠠᠭᠠᠨ ᠳᠤᠭᠤᠰᠦ ᠦᠬᠡᠢ ᠠᠵᠢᠨᠠᠢ ᠪᠠᠷ ᠢᠶᠠᠨ ᠮᠠᠩᠨᠤᠭ ᠨᠤᠳᠤᠭ ᠢᠶᠠᠨ ᠦᠷᠬᠦᠯᠵᠢ ᠪᠠᠶᠠᠰᠬᠠᠬᠤ ᠪᠤᠯᠳᠤᠭᠠᠢ᠃
ᠢᠷᠡᠯᠳᠡ :
ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠦᠨ ᠰᠤᠨᠢᠨ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ ᠸᠢᠴᠠᠲ ᠤᠨ ᠨᠡᠶᠢᠳᠡ ᠶᠢᠨ ᠲᠠᠪᠴᠠᠡᠭ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠪᠦᠬᠦ ᠠᠷᠠᠳ ᠢᠶᠡᠷ ᠢᠶᠡᠨ ᠪᠡᠶᠡ ᠪᠡᠨ ᠴᠢᠬᠢᠷᠠᠬᠵᠢᠭᠤᠯᠬᠤ ᠨᠡᠶᠢᠳᠡ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠠᠪᠴᠠᠡᠭ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ APP
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠬᠡᠪᠯᠡᠯ ᠤᠨ ᠡᠷᠬᠡ ᠲᠠᠢ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠡᠴᠡ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠤᠷᠳᠤᠨ ᠳᠠᠭᠠᠭᠠᠴᠢᠯᠠᠪᠠ