10 ᠤ ᠡᠳᠦᠷ ᠲᠤᠤᠺᠢᠤ᠋ ᠶᠢᠨ ᠤᠯᠢᠮᠫᠢᠺ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠺᠤᠮᠢᠰ ᠢᠯᠡᠷᠬᠡᠶᠢᠯᠡᠬᠦ ᠳᠡᠭᠡᠨ᠂ ᠢᠷᠡᠬᠦ ᠵᠢᠯ ᠪᠤᠯᠬᠤ ᠤᠯᠢᠮᠫᠢᠺ ᠤᠨ ᠲᠠᠮᠢᠷ ᠤᠨ ᠴᠤᠬᠯᠠᠭᠠᠨ ᠬᠢᠭᠡᠳ ᠬᠦᠭᠵᠢᠯ ᠤᠨ ᠪᠡᠷᠬᠡᠰᠢᠶᠡᠯ ᠲᠠᠢ ᠲᠠᠮᠢᠷᠴᠢᠳ ᠤᠨ ᠤᠯᠢᠮᠫᠢᠺ ᠲᠤ ᠬᠡᠷᠡᠭᠯᠡᠬᠦ 5000 ᠮᠸᠳᠠᠯ ᠤᠨ ᠲᠡᠮᠦᠷᠯᠢᠭ ᠢ ᠪᠦᠬᠦᠨ ᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠭᠠᠷᠭᠠᠪᠠ ᠭᠡᠵᠡᠢ᠃ ᠶᠠᠫᠤᠨ ᠤ ᠵᠠᠰᠠᠬ ᠤᠨ ᠤᠷᠳᠤᠨ ᠪᠦᠬᠦ ᠠᠷᠠᠳ ᠲᠤ ᠪᠠᠨ 《ᠬᠤᠲᠠ ᠶᠢᠨ ᠠᠭᠤᠯᠠ ᠠᠭᠤᠷᠬᠠᠢ᠂ ᠪᠢᠳᠡ ᠪᠦᠬᠦᠨ ᠤ ᠮᠸᠳ᠋ᠠᠯ》 ᠭᠡᠬᠦ ᠲᠦᠰᠦᠯ ᠳᠤ ᠤᠷᠤᠯᠴᠠᠨ᠂ ᠬᠡᠷᠡᠭᠯᠡᠬᠦ ᠦᠭᠡᠢ ᠬᠠᠭᠤᠴᠢᠨ ᠭᠠᠷ ᠤᠲᠠᠰᠤ ᠪᠤᠯᠤᠨ ᠭᠡᠷ ᠤᠨ ᠴᠠᠬᠢᠯᠭᠠᠨ ᠡᠳ᠋ᠯᠡᠯ ᠢᠶᠡᠨ ᠬᠠᠨᠳᠢᠪᠯᠠᠬᠤ ᠵᠢ ᠤᠷᠢᠶᠠᠯᠠᠵᠠᠢ᠃ ᠲᠤᠰ ᠲᠦᠰᠦᠯ ᠨᠢ 2017 ᠤᠨ ᠤ 4 ᠰᠠᠷ᠎ᠠ ᠡᠴᠡ ᠡᠬᠢᠯᠡᠨ ᠬᠡᠷᠡᠭᠵᠢᠭᠦᠯᠦᠭᠳᠡᠵᠦ᠂ ᠡᠨᠡ ᠤᠨ ᠤ 3 ᠰᠠᠷ᠎ᠠ ᠳᠤ ᠳᠠᠭᠤᠰᠪᠠ᠃ ᠬᠤᠷᠢᠶᠠᠨ ᠤᠯᠤᠬᠰᠠᠨ ᠪᠦᠬᠦᠢᠯᠡ ᠬᠠᠶᠠᠬᠳᠠᠮᠠᠯ ᠴᠠᠬᠢᠯᠭᠠᠨ ᠡᠳ᠋ᠯᠡᠯ ᠬᠢᠭᠡᠳ ᠭᠠᠷ ᠤᠲᠠᠰᠤᠨ ᠡᠴᠡ ᠨᠡᠶᠢᠲᠡ 32 ᠺᠢᠯᠤᠭ᠍ᠷᠠᠮ ᠠᠯᠲᠠ᠂ 3500 ᠺᠢᠯᠤᠭ᠍ᠷᠠᠮ ᠮᠦᠩᠭᠦ ᠪᠤᠯᠤᠨ 2200 ᠺᠢᠯᠤᠭ᠍ᠷᠠᠮ ᠬᠦᠷᠡᠯ ᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠭᠠᠷᠭᠠᠵᠠᠢ᠃

ᠬᠠᠶᠠᠬᠳᠠᠮᠠᠯ ᠪᠤᠳᠠᠰ ᠡᠴᠡ ᠤᠯᠢᠮᠫᠢᠺ ᠤᠨ ᠮᠸᠳ᠋ᠠᠯ ᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠭᠠᠷᠭᠠᠬᠤ ᠡᠨᠡᠬᠦ ᠠᠵᠢᠯᠯᠠᠭ᠎ᠠ ᠨᠢ ᠳᠡᠯᠡᠬᠡᠢ ᠳᠡᠭᠡᠷ᠎ᠡ ᠤᠷᠢᠳ ᠡᠮᠦᠨ᠎ᠡ ᠭᠠᠷᠤᠭ᠎ᠠ ᠦᠭᠡᠢ ᠪᠢᠯᠡ᠃