ᠰᠢᠨᠬᠤᠧᠠ ᠮᠤᠩᠭᠤᠯ ᠨᠧᠲ ᠬᠦᠬᠡᠬᠤᠳᠠ ᠶᠢᠨ 10 ᠰᠠᠷᠠ ᠶᠢᠨ 8 ᠤ ᠡᠳᠦᠷ ᠤᠨ ᠴᠠᠬᠢᠯᠭᠠᠨ ᠮᠡᠳᠡᠬᠡ ᠬᠣᠶᠠᠳᠣᠭᠠᠷ ᠬᠣᠭᠣᠴᠠᠭᠠᠨ ᠤ ᠸᠧᠢ ᠹᠠᠩ ᠪᠢᠨᠬᠠᠢ•ᠣᠯᠠᠨ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠰᠣᠶᠣᠯ ᠤᠨ ᠨᠠᠶᠢᠷ 10 ᠰᠡᠷᠡ ᠶ᠋ᠢᠨ 1 ᠤ᠋ ᠡᠳᠦᠷ ᠡᠴᠠ 3 ᠤ᠋ ᠡᠳᠦᠷ ᠪᠣᠯᠳᠠᠯᠠ ᠱᠠᠨᠳᠦ᠋ᠩ ᠮᠣᠵᠢ ᠶ᠋ᠢᠨ ᠸᠧᠢ ᠹᠠᠩ ᠬᠣᠳᠡ ᠶ᠋ᠢᠨ ᠪᠢᠨᠬᠠᠢ ᠠᠵᠣ ᠠᠬᠣᠢ ᠮᠡᠷᠭᠡᠵᠢᠯ ᠤᠨ ᠨᠡᠭᠡᠭᠡᠯᠳᠡ ᠶ᠋ᠢᠨ ᠲᠣᠭᠣᠷᠢᠭ ᠲᠣ ᠶᠠᠪᠣᠭᠳᠠᠵᠣ᠂ ᠦᠪᠦᠷ ᠮᠣᠩᠭᠣᠯ ᠤᠨ ᠣᠯᠠᠭᠠᠨᠬᠠᠳᠠ ᠬᠣᠳᠡ ᠶ᠋ᠢᠨ ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠣᠯᠠᠮᠵᠢᠯᠠᠯᠳᠣ ᠰᠣᠷ ᠬᠠᠷᠪᠣᠯᠳᠠ ᠶ᠋ᠢᠨ ᠨᠡᠶᠢᠭᠡᠮᠯᠢᠭ᠂ ᠠᠳᠣᠭᠣᠨ ᠰᠣᠶᠣᠯ ᠤᠨ ᠨᠡᠶᠢᠭᠡᠮᠯᠢᠭ ᠨᠢ ᠣᠷᠢᠯᠭᠠ ᠪᠡᠷ ᠨᠠᠮᠨᠠᠭᠠ ᠶ᠋ᠢᠨ ᠠᠩᠬᠢ ᠪᠡᠨ ᠲᠠᠶᠢᠴᠢᠯᠠᠨ ᠣᠷᠣᠯᠳᠣᠭᠠᠨ ᠳ᠋ᠥ ᠣᠷᠣᠯᠴᠠᠭᠠᠳ ᠨᠠᠮᠨᠠᠭᠠ ᠶ᠋ᠢᠨ ᠮᠠᠩᠯᠠᠢ ᠠᠪᠣᠭᠰᠠᠨ ᠪᠠᠬᠠᠳᠣᠮᠠ ᠠᠮᠵᠢᠯᠳᠡ ᠣᠯᠵᠣ ᠮᠣᠩᠭᠣᠯ ᠮᠣᠷᠢ ᠮᠣᠩᠭᠣᠯ ᠰᠣᠶᠣᠯ ᠤᠨ ᠢᠶᠡᠨ ᠠᠯᠳᠡᠷ ᠴᠣᠣ ᠶ᠋ᠢ ᠪᠠᠰᠨ ᠨᠢᠭᠡᠨ ᠣᠳᠠᠭᠠ ᠲᠡᠯᠡᠭᠡᠢ ᠳ᠋ᠠᠬᠢᠨᠠ ᠠᠯᠳᠠᠷᠰᠢᠭᠣᠯᠣᠨ ᠭᠠᠶᠢᠬᠠᠭᠣᠯᠵᠠᠢ᠃
ᠲᠣᠰ ᠬᠣᠭᠣᠴᠠᠭᠠᠨ ᠤ ᠣᠯᠠᠨ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠰᠣᠶᠣᠯ ᠤᠨ ᠨᠠᠶᠢᠷ ᠲᠣ ᠠᠩᠭᠯᠢ᠂ ᠣᠷᠣᠰ᠂ ᠲᠠᠶᠢᠯᠠᠨᠳ᠋᠂ ᠰᠢᠩᠭᠠᠫᠣᠷ᠂ ᠠᠶᠢᠷᠯᠠᠨᠳ᠋᠂ ᠬᠣᠯᠠᠨᠳ᠋᠂ ᠳ᠋ᠧᠨ᠋ᠮᠠᠷᠺ᠂ ᠠᠮᠧᠷᠢᠺᠠ᠂ ᠢᠰᠫᠠᠨᠢ᠂ ᠲᠣᠮᠳᠠᠳᠣ ᠶ᠋ᠢᠨ ᠲᠠᠶᠢᠪᠧᠢ᠂ ᠲᠣᠮᠳᠠᠳᠣ ᠣᠯᠣᠰ ᠤᠨ ᠰᠢᠶᠠᠩᠭᠠᠩ ᠵᠡᠷᠭᠡ 10 ᠭᠠᠷᠦᠢ ᠣᠯᠣᠰ ᠪᠠ ᠣᠷᠣᠨ ᠤ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠬᠢᠨ ᠰᠣᠶᠣᠯ ᠤᠨ ᠨᠠᠶᠢᠷ ᠤᠨ ᠠᠯᠢ ᠣᠯᠠᠨ ᠠᠵᠢᠯᠯᠠᠭᠠᠨ ᠪᠠ ᠣᠷᠣᠯᠳᠣᠭᠠᠨ ᠮᠦᠷᠦᠶᠢᠴᠡᠭᠡᠨ ᠳ᠋ᠥ ᠣᠷᠣᠯᠴᠠᠵᠣ᠂ ᠵᠠᠭᠣ ᠭᠠᠷᠦᠢ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠲᠠᠮᠢᠷᠴᠢᠳ ᠣᠷᠡ ᠮᠡᠷᠭᠡᠵᠢᠯ ᠢᠶᠡᠨ ᠭᠠᠶᠢᠬᠠᠭᠣᠯᠣᠨ ᠣᠷᠣᠯᠳᠣᠭᠠᠨ ᠪᠠ ᠦᠵᠡᠬᠦᠯᠦᠯᠭᠡ ᠳ᠋ᠥ ᠣᠷᠣᠯᠴᠠᠪᠠ᠃ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠣᠷᠣᠯᠳᠣᠭᠠᠨ ᠨᠢ ᠮᠣᠷᠢᠨ ᠬᠦᠶᠦᠳᠡᠯ ᠳᠡᠬᠡᠷᠠ ᠴᠠᠭᠠᠰᠣᠨ ᠰᠢᠪᠠᠭᠣ ᠨᠢᠰᠭᠡᠬᠦ ᠂ ᠮᠣᠷᠢᠨ ᠲᠣᠪᠳᠣᠯᠣᠭᠠ ᠪᠡᠷ ᠫᠠᠢ ᠬᠠᠷᠪᠣᠬᠣ ᠂ ᠮᠣᠷᠢᠨ ᠲᠡᠰᠪᠦᠷᠢ ᠰᠢᠯᠭᠠᠬᠣ ᠂ ᠲᠠᠯᠠᠢ ᠶ᠋ᠢᠨ ᠬᠦᠪᠡᠭᠡ ᠪᠡᠷ ᠣᠰᠣᠨ ᠳ᠋ᠥ ᠲᠣᠪᠳᠣᠯᠭᠠᠬᠣ ᠂ ᠴᠢᠭᠳᠣ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠭᠣᠷᠪᠠᠨ ᠵᠦᠢᠯ ᠤᠨ ᠣᠷᠣᠯᠳᠣᠭᠠᠨ ᠵᠡᠷᠭᠡ ᠲᠠᠪᠣᠨ ᠲᠦᠷᠦᠯ ᠬᠣᠪᠢᠶᠠᠨ ᠶᠠᠪᠣᠭᠳᠠᠵᠣ ᠂ ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠨᠠᠮᠨᠠᠭᠠᠴᠢᠳ ᠮᠣᠷᠢᠨ ᠲᠣᠪᠳᠣᠯᠣᠭᠠ ᠪᠡᠷ ᠫᠠᠢ ᠬᠠᠷᠪᠣᠬᠣ ᠪᠠ ᠮᠣᠷᠢᠨ ᠬᠦᠶᠦᠳᠡᠯ ᠳᠡᠬᠡᠷᠠ ᠴᠠᠭᠠᠰᠣᠨ ᠰᠢᠪᠠᠭᠣ ᠨᠢᠰᠭᠡᠬᠦ ᠬᠣᠶᠠᠷ ᠲᠦᠷᠦᠯ ᠤᠨ ᠣᠷᠣᠯᠳᠣᠭᠠᠨ ᠳ᠋ᠥ ᠣᠷᠣᠯᠴᠠᠵᠣ ᠂ ᠮᠠᠯᠴᠢᠨ ᠨᠠᠮᠨᠠᠭᠠᠴᠢᠨ ᠬᠠᠰᠴᠢᠯᠠᠭᠣ ᠮᠣᠷᠢᠨ ᠲᠣᠪᠳᠣᠯᠣᠭᠠ ᠪᠡᠷ ᠫᠠᠢ ᠬᠠᠷᠪᠣᠬᠣ ( ᠨᠠᠮᠨᠠᠭᠠ) ᠣᠷᠣᠯᠳᠣᠭᠠᠨ ᠤ ᠮᠠᠩᠯᠠᠢ ᠠᠪᠴᠣ ᠂ ᠮᠣᠷᠢᠨ ᠬᠦᠶᠦᠳᠡᠯ ᠳᠡᠬᠡᠷᠠ ᠴᠠᠭᠠᠰᠣᠨ ᠰᠢᠪᠠᠭᠣ ᠨᠢᠰᠭᠡᠬᠦ ᠣᠷᠣᠯᠳᠣᠭᠠᠨ ᠤ ᠲᠡᠳ᠋ ᠱᠠᠩᠨᠠᠯ ᠢ ᠲᠣᠰᠴᠣ ᠂ ᠵᠠᠯᠠᠭᠣ ᠨᠠᠮᠨᠠᠭᠠᠴᠢᠨ ᠠᠷᠢᠭᠣᠨᠪᠢᠯᠢᠭ᠌ ᠪᠠ ᠠᠭᠣᠳᠠᠮ ᠲᠣᠰ ᠲᠣᠰ ᠮᠣᠷᠢᠨ ᠲᠣᠪᠳᠣᠯᠣᠭᠠ ᠪᠡᠷ ᠫᠠᠢ ᠬᠠᠷᠪᠣᠬᠣ ᠣᠷᠣᠯᠳᠣᠭᠠᠨ ᠤ ᠲᠡᠳ᠋ ᠪᠠ ᠲᠠᠪᠣᠳᠣᠭᠠᠷ ᠲᠤ ᠣᠷᠣᠵᠠᠢ ᠃
ᠲᠣᠰ ᠬᠣᠭᠣᠴᠠᠭᠠᠨ ᠤ ᠸᠧᠢ ᠹᠠᠩ ᠪᠢᠨᠬᠠᠢ • ᠣᠯᠠᠨ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠰᠣᠶᠣᠯ ᠤᠨ ᠨᠠᠶᠢᠷ ᠢ ᠸᠧᠢ ᠹᠠᠩ ᠬᠣᠳᠡ ᠶ᠋ᠢᠨ ᠪᠢᠨᠬᠠᠢ ᠵᠢᠭᠣᠴᠢᠯᠠᠯ ᠤᠨ ᠪᠦᠯᠦᠭᠯᠡᠯ ᠬᠢᠭᠡᠳ ᠰᠣᠶᠣᠯ ᠤᠨ ᠶᠠᠮᠣᠨ ᠤ ᠣᠷᠠᠯᠢᠭ ᠤᠨ ᠬᠦᠭᠵᠢᠯᠳᠡ ᠶ᠋ᠢᠨ ᠲᠦᠪ ᠤᠨ ᠬᠠᠷᠢᠶᠠ ᠲᠣᠮᠳᠠᠳᠣ ᠣᠯᠣᠰ ᠤᠨ ᠠᠳᠣᠭᠣᠨ ᠰᠣᠶᠣᠯ ᠤᠨ ᠲᠠᠮᠢᠷ ᠵᠢᠭᠣᠴᠢᠯᠠᠯ ᠤᠨ ᠲᠦᠯᠦᠪᠵᠢᠬᠦᠯᠦᠯᠬᠡ ᠶ᠋ᠢᠨ ᠰᠣᠳᠣᠯᠭᠠᠨ ᠤ ᠲᠡᠭᠡᠳᠣ ᠰᠣᠷᠭᠠᠭᠣᠯᠢ ᠡᠴᠠ ᠭᠣᠣᠯᠯᠠᠨ ᠡᠷᠬᠢᠯᠡᠵᠣ ᠂ ᠣᠯᠠᠨ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠵᠢᠭᠣᠴᠢᠯᠠᠯ ᠤᠨ ᠬᠣᠯᠪᠣᠭᠠ ᠂ ᠲᠣᠮᠳᠠᠳᠣ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠨᠡᠶᠢᠭᠡᠮᠯᠢᠭ ᠂ ᠱᠠᠨᠳᠦ᠋ᠩ ᠮᠣᠵᠢ ᠂ ᠪᠡᠭᠡᠵᠢᠩ ᠬᠣᠳᠡ ᠶ᠋ᠢᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠲᠠᠮᠢᠷ ᠤᠨ ᠨᠡᠶᠢᠭᠡᠮᠯᠢᠭ ᠵᠡᠷᠭᠡ ᠣᠯᠣᠰ ᠤᠨ ᠭᠠᠳᠠᠭᠠᠳᠣ ᠲᠣᠳᠣᠭᠠᠳᠣ ᠶ᠋ᠢᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠡᠳᠡᠭᠡᠳ ᠤᠨ ᠬᠢᠨ ᠠᠮᠵᠢᠯᠳᠠ ᠲᠠᠢ ᠬᠠᠮᠵᠢᠨ ᠡᠷᠬᠢᠯᠡᠭᠰᠡᠨ ᠶᠣᠮ ᠪᠠᠶᠢᠨᠠ ᠃
ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠨᠠᠮᠨᠠᠭᠠᠴᠢᠳ ᠪᠣᠯᠣᠨ ᠣᠯᠠᠭᠠᠠᠮᠦ᠋ᠴᠢᠷ ᠤᠨ ᠲᠣᠭᠯᠠᠭᠴᠢᠳ ᠬᠣᠶᠠᠳᠣᠭᠠᠷ ᠬᠣᠭᠣᠴᠠᠭᠠᠨ ᠤ ᠸᠧᠢ ᠹᠠᠩ ᠪᠢᠨᠬᠠᠢ • ᠣᠯᠠᠨ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠰᠣᠶᠣᠯ ᠤᠨ ᠨᠠᠶᠢᠷ ᠲᠣ ᠡᠬᠢᠯᠡᠯᠳᠡ ᠪᠠ ᠲᠡᠭᠦᠰᠭᠡᠯ ᠤᠨ ᠶᠣᠰᠣᠯᠠᠯ ᠢ ᠪᠠᠭᠳᠠᠭᠠᠰᠠᠨ ᠵᠢᠷᠭᠣᠭᠠᠨ ᠲᠠᠯᠠᠪᠠᠢ( ᠣᠳᠠᠭᠠ) ᠭᠣᠴᠣ ᠰᠠᠶᠢᠬᠠᠨ ᠦᠵᠡᠬᠦᠯᠦᠯᠭᠡ ᠲᠣᠭᠯᠠᠯᠳᠡ ᠭᠠᠷᠭᠠᠵᠣ ᠮᠣᠷᠢ ᠣᠷᠭᠠᠯᠠᠬᠣ ᠂ ᠡᠮᠨᠢᠭ᠌ ᠰᠣᠷᠭᠠᠬᠣ ᠂ ᠬᠦᠬᠦᠷ ᠰᠣᠯᠢᠯᠴᠠᠨ ᠬᠠᠳᠠᠭ ᠰᠢᠬᠦᠷᠡᠬᠦ ᠂ ᠨᠠᠮᠨᠠᠭᠠ ᠬᠢᠬᠦ ᠮᠣᠷᠢᠨ ᠮᠡᠷᠭᠡᠵᠢᠯ ᠪᠠ ᠮᠣᠷᠢᠨ ᠬᠣᠭᠣᠷ ᠂ ᠠᠷᠠᠳ ᠤᠨ ᠲᠠᠭᠣᠣ᠂ ᠣᠷᠳᠣ ᠶ᠋ᠢᠨ ᠲᠠᠭᠣᠣ ᠂ ᠬᠦᠭᠡᠮᠠᠢ ᠶ᠋ᠢᠨ ᠦᠪᠡᠷᠮᠢᠴᠨ ᠣᠷᠠᠯᠢᠭ ᠤᠨ ᠷᠢᠳᠢ ᠰᠢᠳᠢ ᠠᠣᠭᠠ ᠭᠠᠶᠢᠬᠠᠮᠰᠢᠭ ᠢ ᠲᠠᠪᠣᠨ ᠲᠢᠪ ᠲᠦᠷᠪᠡᠨ ᠲᠠᠯᠠᠢ ᠶ᠋ᠢᠨ ᠦᠵᠡᠭᠴᠢᠳ ᠵᠣᠷᠴᠢᠭᠰᠠᠳ ᠲᠣ ᠡᠷᠬᠦᠨ ᠰᠣᠨᠢᠷᠬᠠᠭᠣᠯᠣᠭᠰᠠᠨ ᠪᠠᠶᠢᠨᠠ ᠃ ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠠᠳᠣᠭᠣᠨ ᠰᠣᠶᠣᠯ ᠤᠨ ᠨᠡᠶᠢᠭᠡᠮᠯᠢᠭ ᠂ ᠣᠯᠠᠮᠵᠢᠯᠠᠯᠳᠣ ᠰᠣᠷ ᠬᠠᠷᠪᠣᠯᠳᠠ ᠶ᠋ᠢᠨ ᠨᠡᠶᠢᠭᠡᠮᠯᠢᠭ ᠤᠨ ᠬᠠᠷᠢᠭᠣᠴᠠᠯᠭᠠᠳᠠᠨ ᠨᠠᠷ ᠣᠷᠢᠯᠭᠠ ᠪᠡᠷ ᠮᠦᠨ ᠨᠠᠶᠢᠷ ᠤᠨ ᠬᠣᠭᠣᠴᠠᠭᠠᠨ ᠳ᠋ᠥ ᠪᠣᠯᠣᠭᠰᠠᠨ《ᠲᠡᠯᠡᠬᠡᠢ ᠶ᠋ᠢᠨ ᠠᠳᠣᠭᠣᠨ ᠰᠣᠶᠣᠯ ᠵᠢᠭᠣᠴᠢᠯᠠᠯ ᠤᠨ ᠲᠦᠷᠦᠭᠦᠴᠣᠳ ᠤᠨ ᠬᠣᠷᠠᠯᠳᠣᠭᠠᠨ》 ᠳ᠋ᠥ ᠰᠠᠭᠠᠳᠠᠵᠠᠢ ᠃ ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠨᠠᠮᠨᠠᠭᠠ ᠶ᠋ᠢᠨ ᠠᠩᠬᠢ ᠪᠠ ᠣᠯᠠᠭᠠᠠᠮᠦ᠋ᠴᠢᠷ ᠨᠢ ᠲᠣᠰ ᠣᠳᠠᠭᠠᠨ ᠤ ᠣᠯᠠᠨ ᠣᠯᠣᠰ ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠰᠣᠶᠣᠯ ᠤᠨ ᠨᠠᠶᠢᠷ ᠤᠨ ᠣᠷᠣᠯᠳᠣᠭᠠᠨ ᠦᠵᠡᠬᠦᠯᠦᠯᠭᠡ ᠳ᠋ᠥ ᠣᠷᠣᠯᠴᠠᠭᠰᠠᠨ ᠦᠪᠦᠷ ᠮᠣᠩᠭᠣᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨ ᠤ ᠴᠣᠷ ᠤᠨ ᠭᠠᠭᠴᠨ ᠪᠦᠯᠬᠦᠮ ᠨᠡᠶᠢᠳᠡ ᠪᠣᠯᠵᠠᠢ᠃ (ᠨᠡᠶᠢᠳᠡᠯᠡᠯ ᠵᠢᠷᠤᠭ ᠢ ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠰᠦᠯᠵᠢᠶᠠ ᠶᠢᠨ ᠬᠦᠬᠡᠳᠠᠪᠠᠯᠭᠠᠨ )
ᠢᠷᠡᠯᠳᠡ :
ᠰᠢᠨᠬᠤᠧᠠ ᠮᠤᠩᠭᠤᠯ ᠨᠧᠲ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ ᠸᠢᠴᠠᠲ ᠤᠨ ᠨᠡᠶᠢᠳᠡ ᠶᠢᠨ ᠲᠠᠪᠴᠠᠡᠭ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠪᠦᠬᠦ ᠠᠷᠠᠳ ᠢᠶᠡᠷ ᠢᠶᠡᠨ ᠪᠡᠶᠡ ᠪᠡᠨ ᠴᠢᠬᠢᠷᠠᠬᠵᠢᠭᠤᠯᠬᠤ ᠨᠡᠶᠢᠳᠡ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠠᠪᠴᠠᠡᠭ
ᠮᠧᠡᠭ ᠰᠢᠶᠠᠡᠭ ᠳ᠋ᠦᠡᠭ APP
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠬᠡᠪᠯᠡᠯ ᠤᠨ ᠡᠷᠬᠡ ᠲᠠᠢ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠲᠤᠪᠴᠢᠶᠠ ᠡᠴᠡ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ
ᠦᠪᠦᠷ ᠮᠤᠡᠭᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠪᠡᠶᠡ ᠲᠠᠮᠢᠷ ᠤᠨ ᠤᠷᠳᠤᠨ ᠳᠠᠭᠠᠭᠠᠴᠢᠯᠠᠪᠠ